2016 jyldyń qorytyndysy boıynsha Qytaıdyń úzdik anımatory bolyp etnıkalyq qazaq jigit Arysbek Nuhanuly tanyldy, dep habarlaıdy QazAqparat.
Qytaı tóreshileri Arysbektiń eki halyq arasyndaǵy dostyqtyń nyǵaıýyna kóp úles qosqanyn atap ótti. Arysbektiń 8 mınýttyq «Men jaılaýdanmyn» atty múltfılmi Aıbar degen balanyń erligin baıandaıdy.
Aıbar balalyǵyna qaramaı ákesi ekeýiniń bir otar qoıyn qorǵaımyn dep qasqyrlarmen arpalysqan. Byltyr Arysbektiń múltfılmi qytaı stýdentteri arasyndaǵy kınofestıvaldiń 1-ornyn, al, Azıa jastarynyń kınofestıvalinde bas júlde ıelengen. Qazir Arysbek Uly Jibek jolynyń tarıhy týraly 90 mınýttyq múltfılm jasaýǵa kirisken.
