Donald Tramp "Oskar" júldesin tapsyrý rásiminde bolǵan daýǵa qatysty óz pikirimen bólisti. AQSH prezıdentiniń aıtýynsha, "Lýchshıı fılm" nomınasıasynyń jeńimpazyn jarıalaǵandaǵy qateliktiń túbinde saıasat jatyr, - dep jazady Breitbart News. 

Sondaı-aq, Tramp osy qatelik úshin  "Oskar" júldesiniń bedeliniń de túsip qalǵanyn aıtty. «Men osy ýaqytqa deıin birneshe "Oskar" júldesin tapsyrý rásimderinde  boldym. Biraq bul jolǵy marapattaý rásiminiń bulaı bolǵany óte ókinishti. Rásim oıdaǵydaı ótti dep aıta almaımyn", - dedi AQSH prezıdenti.
 

Eske sala keteıik, keshe, 27 aqpanda "Oskar" júldesiniń 89-shy marapattaý rásimi ótti. Alaıda saltanatty is-shara janjalmen aıaqtaldy. Bastapqy kezde «Oskardy» «La-La-Lend» múzıkli alǵany habarlanyp, túsirilim toby sahnaǵa shyǵyp, alǵystaryn jaýdyryp jatqanda, uıymdastyrýshylardyń biri sahnaǵa shyǵyp, qatelik bolǵanyn aıtyp, «Lýnnyı svet» fılmin «Jyl kartınasy» nomınasıasynda jeńiske jetkenin habarlady. Birneshe mınýt boıy sahnada tynyshtyq ornady. Sahnadaǵylar muny ázil dep oılady. Alaıda júrgizýshiniń jeńimpazdy qatelesip aıtqany belgili boldy.