EKSPO-2017 kórme obektileri salynatyn aýdanda jumysshy qaza boldy dep habarlaıdy Qamshy portaly ratel.kz-ke silteme bere otyryp. Oqıǵa dúısenbi kúni 27 aqpanda saǵat 1-ler shamasynda oryn alǵan.
«Hýseın Ben Talal kóshesinde oryn alǵan qaıǵyly oqıǵaǵa baılanysty Astana qalasynyń İİD Q.R-nyń QK-nyń 156-babyna sáıkes (Eńbekti qorǵaý qaǵıdalaryn buzý) sotqa deıingi zertteý jumystaryn júrgizýde» dep habarlady Astana İİD.
Polısıa basqarmasy óz kezeginde qaza tapqan jumysshynyń 25 jasta bolǵanyn, oqıǵa ornynda jedel járdem kelmesten kóz jumǵanyn jetkizdi.
Sotqa deıingi zertteý jumystary aıasynda sraptama jasalady dep sheshildi.
«Astana qalasynyń eńbek pen áleýmettik qorǵaý basqarmasynyń bastamasymen, jumys berýshiniń kinásin anyqtaý maqsatynda arnaıy zertteý júrgizilip jatyr. Osy zertteý nátıjesi prosesýaldy sheshimge áser etpek »- dep atap ótti İİD-nyń pres-hatshylyǵy.
«Astana EKSPO-2017» kompanıasy oryn alǵan oqıǵaǵa qatysty óz pikirlerin ázirge bildirgen joq.
