Kúndelikti ómirde biz, ıakı adamdar qaýymy, jarnamany árbir bes mınýttyq jolda kezdestirmiz. Jarnamanyń adamdar psıhologıasyna sińip ketkeni sonshalyq, elemeı, nazar aýdarmaı óte beretin kezder de bolady. Jarnama psıhologıalyq turǵyda adamdarǵa qysym jasap, yǵyryn shyǵaryp ta jatady. Sebebi ol- mindetteý, baılanyp alý qyzmetterin atqaryp júr.

Dúnıedegi barlyq zattyń jarnamasy bar. Olardyń ishinde qajetti de, qajetti emesteri de jetip artylady. Avtokólik, bankter, zergerlik buıymdar, olardy shyǵaratyn uıymdar, bári jarnamalanady, al kitap ne sebepti jarnamalanbaıdy?

Shyndyǵyna kelgende, eger teleekrannan jarnamalanyp jatqan Agata Krıstıdiń týyndysyn jarnamalap, ne bolmasa, "Sısılıa Ahernniń jańa kitaby jaryqqa shyqty" dep kógildir ekrannyń arǵy jaqynda habarlap jatsa, óte qyzyq, múmkin búrtúrli, tipti ersi kóriner ma edi?

Bul suraqqa basqa jaǵynan kelsek, «Jaqsy nárse jarnamaǵa muqtaj emes» deıtin bolsaq,  ol da durys bolar edi. Jaqsy kitap jarnamasyz- aq ótimdi, ári kitap qarajat pen ataq jınaý quraly bolyp ketse, sany bar sapasy joq árbir kitapty teledıdardan jarnamalap ketse, oǵan degen qyzyǵýshylyq azaıyp qalýy múmkin. Sebebi, jarnamanyń mezi qylatyn nashar qasıeti bar.

Alaıda, kitaptardyń búgingi tańda jarnamalanbaı júrýiniń negizgi sebebi, onyń jaramaǵa muqtaj emestiginde emes, mundaı reńktegi jarnamaǵa suranys joqtyq. Kóptegen kitap baspalary, kitap dúkenderi televızıa arqyly jarnama berýge qaltalary kótere bermeıdi. Zamanaýı avtorlardyń da problemasy sol.

Ne desek te, kitap oqıtyn azamattar qaı zamanda da tabylady, bolady, sebebi kitap – jarnamasyz-aq árqashan trendte.

Nazerke Musa