«Alataý» áleýmettik qyzmet kórsetý ortalyǵynda qazaq halqynyń «Qozy Kórpesh – Baıan Sulý» ańyzy keıipkerleriniń mahabbatyna arnalǵan «Sezimder aıtysy» atty satıralyq teatrlandyrylǵan qoıylym ótti.

Qoıylymdy mýzykalyq jetekshi Erkebulan Baıjuma daıyndap, sahnalady. Onyń negizinde qazaqtyń aıtys dástúri men teatr óneriniń elementterin úılestirgen avtorlyq senarı jatyr.

Sújet qyzdar men jigitter arasyndaǵy ázil-syqaq aıtys túrinde órbıdi. Bas keıipkerler sahnaǵa dombyramen shyǵyp, tapqyr sóz, utymdy ázil jáne izgi tilekter arqyly óner kórsetedi.
Qoıylymda ulttyq salt-dástúr, sonyń ishinde dastarhan basyndaǵy shaı ishý kórinisi de kórkem beınelenedi. Qorytyndy bólimde Qozy Kórpesh pen Baıan Sulý arasyndaǵy móldir mahabbat hıkaıasy kórinis taýyp, mahabbat týraly ánmen túıindeledi.

Konserttik baǵdarlamaǵa ortalyqtyń áleýmettik qyzmet alýshysy qatysty. İs-shara formaty kórermendermen tikeleı baılanys ornatýǵa baǵyttalǵan.

Ortalyqtyń negizgi maqsaty – múmkindigi shekteýli adamdardy ońaltý jáne qoǵamǵa beıimdeý, olardyń qarym-qatynas jasaý daǵdysyn damytý, shyǵarmashylyq áleýetin ashý jáne mádenı ómirge tartý. Án aıtý, bı bıleý, kórkem sóz oqý jáne teatr óneri sıaqty shyǵarmashylyq baǵyttar tulǵanyń beıimdelýi men ózin-ózi júzege asyrýynyń mańyzdy tetigi.

İs-sharanyń maqsaty — qatysýshylardyń shyǵarmashylyq jetistikterin pash etý, estetıkalyq tárbıe berý jáne artıser men kórermen arasynda emosıalyq baılanys ornatý.