18 mamyr kúni Almatyda Halyqaralyq mýzeı kúnine oraı – «Mýzeı túni – 2026» aksıasy ótedi. Keshki 18:00-den túngi 00:00-ge deıin qala turǵyndary men qonaqtary megapolıstiń mýzeılerin tegin tamashalap, kvestterge, sheberdiń dáristerine, teatrlandyrylǵan ekskýrsıalarǵa, dárister men konsertterge qatysa alady.
Bıyl aksıaǵa: Almaty tarıhy mýzeıi (Qabanbaı batyr kóshesi, 132), Yqylas atyndaǵy halyq mýzykalyq aspaptar mýzeıi (Zenkov kóshesi, 24a), Ahmet Baıtursynulynyń mýzeı-úıi (Baıtursynuly kóshesi, 60), D. A. Qonaev mýzeıi (Tólebaev kóshesi, 117), Sábıt Muqanov mýzeı-úıi (Tólebaev kóshesi, 125), Ǵabıt Músirepov mýzeı-úıi (Tólebaev kóshesi, 130), sondaı-aq Mýltımedıalyq dástúrli mýzyka ortalyǵy (Nurkent shaǵynaýdany, 5/11), N. Tilendıev memorıaldy mýzeıi (Qonaev kóshesi, 96) qatysady.
Birlestik mýzeılerinde tańǵy 10:00-den túngi 00:00-ge deıin ashyq esik kúni bolady, al negizgi baǵdarlama 18:00-de bastalyp, túnge deıin jalǵasady. Kesh boıy mýzeıge kelýshiler unaǵan is-sharalardy tańdaı alýy úshin mýzeıaralyq kvest-oıyny, «Juldyzdy gıd», «Mýzeıge syı» aksıalary, teatrlandyrylǵan ekskýrsıalar men qoıylymdar, kórmeler, tanymdyq-ınteraktıvtik oıyndar, sheberdiń dáristeri, jasandy ıntellektpen fotoaımaqtar, mýzeılik dárister, kezdesýler, konserttik baǵdarlama, blıs-kórmeler, balalarǵa arnalǵan aımaqtar jáne kınokórsetilimder kelýshiler nazaryna usynylady.
18:00-den bastap aksıa aıasynda mýzeıge kelýshiler arasynda Almaty qalasy mýzeıler birlestigi mýzeılerin qamtıtyn «Tarıh izimen» taqyrybynda kvest-oıyny ótkiziledi. Jastar arasynda tanymal blogerler bastaǵan toptar mýzeılerdi aralap, ázirlengen tapsyrmalardy oryndaıdy. Komandalardyń basty maqsaty – mýzeılerdiń mórin tolyq jınap, fınaldyq kezeńge ótý. İs-shara sońynda kvest-oıynǵa qatysýshylardy marapattap, brendtik syılyqtar tabystalady.
Almaty mýzeıinde (Qabanbaı batyr, 132) kıno jáne teatr aktrısasy, Qazaqstannyń halyq artısi Merýert Ótekeshovanyń 75 jyldyǵyna oraı «Qazaq kınosynyń jaýhary – Qyz Jibek» kórmesi ashylady. Kórmede «Qyz Jibek» fılminiń akterleri Quman Tastanbekov, Asanáli Áshimov jáne fılm avtorlary Sultan Qojyqov, Gúlfaırýs Ismaıylova, Ǵabıt Músirepov, Nurǵısa Tilendıev syndy tulǵalardyń jeke zattarynan quralǵan kórmesin tamashalaýǵa bolady.
18 mamyr kúni 18:00-den bastap 00:00-ge deıin tarıhı keıipkerler qatysatyn teatrlandyrylǵan ekskýrsıalar men «Asanáli Áshimov» teatrynyń «Almaty – mahabbatym» spektakli, «Juldyzdy gıd», «Mýzeıge syı» aksıalary, qysh buıymdar, beıneleý óneri, zergerlik buıymdar jasaý boıynsha sheberdiń dárisi, balalarǵa arnalǵan akvagrım, pazldar men kvestter aımaǵy, jasandy ıntellekt tehnologıasymen jabdyqtalǵan fotozona jumys isteıdi. Mýzeı qorynan blıs-kórme «Saq jaýyngeriniń» ǵylymı rekonstrýksıasynyń tanystyrylymy, mýzeılik dárister, teatrlandyrylǵan qoıylymdar kelýshiler nazaryna usynylady.
19:00-23:00 aralyǵynda Kalifarniya, Bayan Sulu, «Alashuly» toby, IL Canto kvarteti óner kórsetetin «Almaty keshi» konserttik baǵdarlamasy bastalady. 23:00-de kvest jeńimpazdary men mýzeı qyzmetkerlerin marapattap, al 23:15-te ashyq aspan astyndaǵy kıno kórsetilimmen kesh aıaqtalady. Barlyq is-shara – tegin.
Yqylas atyndaǵy halyq mýzykalyq aspaptar mýzeıi de (Zenkov, 24a) 18 mamyr kúni 10:00-den túngi 00:00-ge deıin «Mýzeı túni – 2026» is-sharasyna shaqyrady. Barlyq kelýshi úshin mýzeıge kirý tegin. 18:00-23:00 aralyǵynda kesh boıy Qurmanǵazy, Qorqyt, Birjan sal syndy ańyz keıipkerler qatysatyn teatrlandyrylǵan ekskýrsıalar, mýzykalyq aspap jasaý boıynsha sheberdiń sabaǵy, «Juldyzdy gıd» aksıasy, zıatkerlik tanymdyq oıyndar, mýzeı ekspozısıasy boıynsha ekskýrsıalar jáne jasandy ıntellektpen jabdyqtalǵan fotoaımaqtar jumys isteıdi.
Yqylas atyndaǵy halyq mýzykalyq aspaptar mýzeıiniń qurylǵanyna 45 jyl tolýyna oraı, «Ýaqyt aınasy: mýzeıdiń 45 jyly» kórmesin kelýshiler tamashalaı alady.
20:00-de «Alataý serileri», «Sazgen sazy», «Arqaıym», «Parasat» etno-folklorlyq toptary jáne Janar Aıjanova óner kórsetedi. 22:00-de mýzeı qyzmetkerleri men qatysýshylar marapattalyp, 23:00-de ashyq aspan astynda kınokórsetilimder qoıylady.
N. Tilendıev memorıaldy mýzeıi (Qonaev kóshesi, 96) mýzeı kelýshilerine baǵdarlama usynady. Konsertte N. Tilendıev atyndaǵy akademıalyq fólklorlyq-etnografıalyq «Otyrar sazy» orkestriniń bastaýymen, qazaq sahnasynyń jaryq juldyzdary Medeý Arynbaev, Aıdana Medenova, Dınara Sultan, Erbolat Qudaıbergen, Beıbarys Jambyl óner kórsetedi. Kelýshilerge «Nurǵısa sazy – urpaqqa amanat» atty kúıshiler baıqaýy uıymdastyrylyp, tanymdyq-ıntellektýaldy oıyn ótkiziledi. Kesh boıy mýzeı ekspozısıasy boıynsha ekskýrsıalar men arnaıy fotoaımaqtar jumys isteıdi.
23:00-00:00 aralyǵynda aksıaǵa qatysýshylar men mýzeı qyzmetkerlerin marapattaý rásimi ótip, 00:00-de is-shara máresine jetedi.
Mýltımedıalyq dástúrli mýzyka ortalyǵy da (Nurkent sh/a, 5/11) ótken men búgindi baılanystyratyn erekshe baǵdarlama daıyndady. Bul dástúrli qazaq mýzykalyq mádenıetiniń baı murasymen tanysýdyń tamasha múmkindigi. Bul kúni mýzyka ortalyǵynyń esikteri kelýshiler úshin tańerteńnen túnge deıin ashyq bolady.
18:00-de keshki baǵdarlama bastalady. Tarıhı tulǵalar – Dına Nurpeıisova, Jambyl Jabaev pen Aqan seri beınesimen teatrlandyrylǵan ekskýrsıalar uıymdastyrylady. 18:30-23:00 aralyǵynda «Juldyzdy gıd» aksıasy, mýzykalyq aspaptar jasaýdan sheberdiń dárisi ótse, tarıhı tulǵalardyń urpaqtary júrgizetin «Esh jerde aıtylmaǵan syr suqbat» ekskýrsıasy kelýshilerge tyń derekter men taǵylymdy áńgimeler usynady.
20:00-de Sáýle Janpeıisova, Murat jáne Talǵat Ábýǵazıevter, Nurjan Janpeıisov, Elza Karabalına, Gýlfaırýz Dalǵabaı, Sholpan Dárjanova, Talǵat Muqyshev, Ardaq Isataeva, Nurgúl Jaqypbek syndy dástúrli oryndaýshylar óner kórsetedi.
Dinmuhamed Qonaevtyń memorıaldyq mýzeıi de (Tólebaev kóshesi, 117) baǵdarlamasyn usynady. Saǵat 18:00-den bastap kelýshiler aralyǵynda mýzeıge kelýshiler nazaryna «Qurmetti Dinmuhamed Ahmetuly» atty hattar kórmesi, «Oılan tap!» ıntellektýaldy-tanymdyq oıyny, mýzeı ekspozısıasy boıynsha ekskýrsıalar usynylady.
Saǵat 19:00-de qonaqtar «D. A. Qonaevtyń súıikti ánderi» án keshin, al 20:00-da «Juldyzdy gıd» aksıasyna qatysa alady. Sonymen qatar, D.Qonaevtyń týystarymen jáne pikirles jandarymen kezdesý ótedi, al 22:00-de marapattaý rásimi bastalady.
Sábıt Muqanovtyń ádebı-memorıaldyq mýzeı-úıi de (Tólebaev kóshesi, 125) keshki baǵdarlama usynady. 18:00-23:00 arylyǵynda S. Muqanov beınesindegi teatrlandyrylǵan ekskýrsıalar, zıatkerlik oıyndar men fotozonalar uıymdastyrylady.
18:30-20:00 aralyǵynda akademık-jazýshy Sábıt Muqanovtyń qyzy Janna Sábıtqyzy mýzeı qoryna jazýshynyń portretin, Oljas Súleımenovtiń quttyqtaý hatyn jáne tarıhshy Orazaly Shyńǵys tapqan Sábıt Muqanovtyń ata-babalary týraly arhıvtik materıaldardy tapsyratyn «Mýzeıge syı» jáne «Juldyzdy gıd» aksıalary ótedi. «Abaıdyń 17 qara sózi» taqyrybynda spektákl, «Bul qaı qalamger?» tanymdyq kvest oıyny, «Móldir mahabbat» qoıylymy, shahmattan blıs-týrnır «Kóne jádiger» baǵdarlamasy, jasandy ıntellekt tehnologıasymen jasalǵan akademık-jazýshylar S. Muqanov pen Ǵ. Músirepovtiń beınelerimen suraq-jaýap túrinde tikeleı suhbattasý, mýzeıde kınokórsetilimdi («Botagóz» kórkem fılmi, «Bizdiń Sábıt») tamashalaýǵa bolady.
Ǵabıt Músirepov ádebı-memorıaldyq mýzeı-úıinde (Tólebaev kóshesi, 130) 18:00-den bastap teatrlandyrylǵan ekskýrsıalar, fotoaımaqtar, «Juldyzdy gıd» aksıasy, «Ulpan ulaǵaty» Ǵ. Músirepov atyndaǵy teatr akterlarymen kezdesý, «Bul qaı qalamger?» tanymdyq kvest oıyny, «Qozy Kórpesh – Baıan Sulý» teatrlandyrylǵan qoıylymy, «Saýatty jazyp úıreneıik» sheberdiń dárisi, qazaq klasıkasynyń kınokórsetilimderi («Qyz Jibek», «Klasıktiń keshikken mahabbaty») qoıylady. Kesh marapattaý rásimimen aıaqtalady.
Ahmet Baıtursynulynyń mýzeı-úıinde (Baıtursynuly, 60) 18:00-23:00 aralyǵynda «Alash Arystary» fotokórmesi, «Ahmetke hat» aksıasy, Alashtanýshy ǵalymdarmen kezdesý, mýzeı ekspozısıasy boıynsha ekskýrsıalar, fotoaımaqtar jumys isteıdi. «Juldyzdy gıd» aksıasy, A. Baıtursynulynyń ánderinen konserttik baǵdarlama, «Ahmet pen Álıhan amanaty» qoıylymy, Ahmet Baıtursynulynyń óleńderin mánerlep oqý baıqaýy, «Ahmet. Alash ardaqtysy» atty dóńgelek ústel ótedi. Kesh aksıaǵa qatysýshylardy jáne mýzeı qyzmetkerlerin marapattaý rásimimen aıaqtalady.
Sondaı-aq, bul kúni Almaty qalasy mýzeıler birlestiginiń quramyna kiretin Almaty galereıasy (Dostyq dańǵyly, 44) saǵat 10:00-den 00:00-ge deıin kelýshiler úshin ashyq bolady. Oljas Súleımenovtiń 90 jyldyǵyna arnalǵan «Adamǵa tabyn, jer endi» atty kórmesi uıymdastyrylady. Kórmede Oljas Súleımenovtiń qujattyq materıaldary, fotosýretteri, kartınalary, arhıvtik hronıkalary jáne kitaptarynyń alǵashqy basylymdary usynylady.

- Almaty mýzeıi – Qabanbaı batyr kóshesi, 132
- Yqylas atyndaǵy halyq mýzykalyq aspaptar mýzeıi – Zenkov kóshesi, 24a
- D. A. Qonaev mýzeıi – Tólebaev kóshesi, 117
- S. Muqanov mýzeı-úıi – Tólebaev kóshesi, 125
- Ǵ. Músirepov mýzeı-úıi – Tólebaev kóshesi, 130
- Mýltımedıalyq dástúrli mýzyka ortalyǵy – Nurkent shaǵynaýdany 5/11
- A. Baıtursynuly mýzeı-úıi – Baıtursynuly, 60
- N. Tilendıev memorıaldy mýzeıi – Qonaev kóshesi, 96
- Almaty galereıasy – Dostyq dańǵyly, 44