Otan qorǵaýshy kúnine oraı Almatydaǵy «Suńqar» halyqaralyq shańǵy tramplınderi kesheninde Memlekettik Tý saltanatty túrde kóterildi.
Saltanatty rásimge Almaty ákimi Darhan Satybaldy, áskerı bólimderdiń, quqyq qorǵaý organdarynyń, úkimettik emes jáne jastar uıymdarynyń ókilderi qatysty.
Memlekettik Týdy kóterý barysynda áskerı úrmeli aspaptar orkestriniń súıemeldeýimen Qazaqstan Respýblıkasynyń Ánurany oryndaldy.
Merekelik is-shara ári qaraı 28 gvardıashy-panfılovshylar atyndaǵy saıabaqta konserttik baǵdarlamamen jalǵasty.
Konsert Almaty qalasy ákiminiń estradalyq-sımfonıalyq orkestri men «Saltanat» memlekettik bı ansambliniń súıemeldeýimen shyrqalǵan «Uly elim» ánimen ashyldy. Sahnada tanymal otandyq estrada juldyzdary patrıottyq ánder oryndady.
Sondaı-aq, qazaq batyrlary týraly teatrlandyrylǵan qoıylymdar men patrıottyq horeografıalyq kompozısıalar usynyldy.
