3 mamyr Balýan Sholaq atyndaǵy Sport saraıynda 2025–2026 maýsymyndaǵy Almaty stýdenttik lıgasynyń (ASL) fınaldyq týry jáne jeńimpazdardy saltanatty marapattaý rásimi ótti.

Almaty qalasy ákimdiginiń qoldaýymen ótken joba bıyl 30-dan astam joǵary oqý ornynan 1300-den astam stýdentti biriktirdi. Oqý jyly boıy komandalar fýtbol, voleıbol jáne basketbol boıynsha baq synap, joǵary daıyndyq pen naǵyz komandalyq rýh kórsetti.

Fınaldyq kún tartysty machtarǵa toly bolyp, maýsymnyń úzdik komandalary anyqtaldy. Keshkisin qurmetti qonaqtar, sportshylar men jankúıerler qatysqan aýqymdy marapattaý rásimi uıymdastyryldy.

Jeńimpazdar men júldegerler ár sport túri men dıvızıon boıynsha anyqtalyp, sondaı-aq týrnırdiń úzdik oıynshylaryna, jattyqtyrýshylaryna jáne sportshylaryna jeke marapattar tabystaldy. İs-sharanyń erekshe rýhyn artıser men júrgizýshilerdiń óneri tolyqtyryp, ony tek sporttyq emes, jarqyn jastar merekesine aınaldyrdy.

Almaty stýdenttik lıgasy stýdenttik sportty damytýdaǵy mańyzdy alań retinde qalyptasyp, jastardy biriktirip, salaýatty ómir saltyn nasıhattap, jańa esimderdiń tanylýyna jol ashyp keledi.

Maýsym qorytyndysy boıynsha voleıbol, fýtbol jáne basketbol boıynsha jeńimpazdar men júldegerler anyqtaldy.

Voleıbol (A dıvızıony, erler):

1 oryn — Qazaq sport jáne týrızm akademıasy (QazSTA)

2 oryn — SDU University

3 oryn — ál-Farabı atyndaǵy QazUÝ

Voleıbol (áıelder, A dıvızıony):

1 oryn — QazSTA

2 oryn — Satbayev University

3 oryn — ál-Farabı atyndaǵy QazUÝ

Voleıbol (V dıvızıony, erler):

1 oryn — UQK akademıasy

2 oryn — QazBSQA

3 oryn — UQK Shekara akademıasy

Voleıbol (áıelder, V dıvızıony):

1 oryn — QazSTA

2 oryn — UIB

3 oryn — Qazaq ulttyq agrarlyq zertteý ýnıversıteti

Fýtbol (A dıvızıony):

1 oryn — Turan University

2 oryn — QazSTA

3 oryn — Almaty gýmanıtarlyq-ekonomıkalyq ýnıversıteti

Fýtbol (V dıvızıony):

1 oryn — S.D. Asfendıarov atyndaǵy QazUMÝ

2 oryn — QazSTA

3 oryn — UIB

Fýtbol (S dıvızıony):

1 oryn — Narxoz University

2 oryn — Azamattyq avıasıa akademıasy

3 oryn — Turan University

Basketbol (A dıvızıony):

1 oryn — IT Legion (HATÝ)

2 oryn — QazSTA

3 oryn — Turan University

Basketbol (V dıvızıony):

1 oryn — S.D. Asfendıarov atyndaǵy QazUMÝ

2 oryn — Almaty energetıka jáne baılanys ýnıversıteti (AEjBÝ)

3 oryn — QazBSQA

Basketbol (áıelder):

1 oryn — ál-Farabı atyndaǵy QazUÝ

2 oryn — QazSTA

3 oryn — QBTÝ

Sondaı-aq, týrnır qorytyndysy boıynsha úzdik oıynshylarǵa jeke marapattar tabystaldy:

— fýtboldan úzdik oıynshy (A dıvızıony) — Maqsut Tagıruly (Turan University)

— úzdik bombardır — Kım Lev (Turan University)

— úzdik qaqpashy — Ertýǵan Danıar (AGEÝ)

— voleıboldan MVP ataǵy — Ertas Nurbolat (QazSTA)

— basketboldan úzdik oıynshy — Armon Aslan (Turan University)