Almatyda 2010 jyly týǵan uldar klýbtyq komandalary arasynda Ulttyq lıga (U-15) aıasyndaǵy Qazaqstan Respýblıkasynyń chempıonaty aıaqtaldy. Bul týraly qalalyq Sport basqarmasynyń ókilderi aıtty.

Jarys qorytyndysy boıynsha chempıondyq ataqty Almaty atynan synǵa túsken «Almatınskıı legıon 2010» komandasy jeńip aldy. Fınalda almatylyqtar «Astana U15» ujymyn utyp, altyn medalǵa qol jetkizdi.

Komanda úshin maýsym asa nátıjeli boldy: 28 oıynnyń 26-synda jeńiske jetip, tek eki kezdesýde ǵana qarsylastarǵa jol berdi. Bul nátıjege turaqty chempıonat pen pleı-off kezeńindegi oıyndar kiredi.

Týrnır qorytyndysy boıynsha almatylyq sportshylar birqatar jeke marapatqa ıe boldy:
— chempıonattyń úzdik oıynshysy — Asanáli Almatuly;
— chempıonattyń MVP oıynshysy — Lev Gorınskıı;
— 2025/2026 maýsymynyń úzdik jattyqtyrýshysy — Anastasıa Ovechkına.

Chempıonat 2025 jyldyń qazan aıynan 2026 jyldyń mamyr aıyna deıin ótip, ulttyq qurama rezervin daıarlaýda mańyzdy alańǵa aınaldy.