3 mamyr saǵat 19:00-de Balýan Sholaq atyndaǵy sport jáne mádenıet kesheninde 2025–2026 maýsymyndaǵy Almaty stýdenttik lıgasynyń (ASL) fınaly jáne jeńimpazdardy saltanatty marapattaý rásimi ótedi.
Almaty stýdenttik lıgasy — 2025 jyly Almaty qalasy ákimdiginiń qoldaýymen iske qosylǵan aýqymdy sport jobasy. Qysqa ýaqyt ishinde lıga qalanyń stýdenttik sportyndaǵy mańyzdy oqıǵalardyń birine aınalyp, 36 joǵary oqý ornynan 1300-den astam qatysýshyny jáne 108 komandany biriktirdi.
Jarys oqý jyly boıy tolyqqandy chempıonat formatynda fýtbol, voleıbol jáne basketbol boıynsha ótedi. 2025–2026 maýsymy qyrkúıek aıynda bastalyp, kúzgi jáne kóktemgi kezeńderdi qamtı otyryp, mamyr aıynda qorytyndylanady.
Fınal jarqyn sporttyq-oıyn-saýyq is-sharasy bolmaq. Baǵdarlamada jeńimpaz komandalardy marapattaý, jekeleı nomınasıalar boıynsha úzdik oıynshylardy qurmetteý, sondaı-aq tanymal jas oryndaýshylardyń óner kórsetýi qarastyrylǵan.
Keshtiń júrgizýshileri — stendap-komık Ańsaǵan Sadyrǵanov pen ınflúenser Aıdana Kentaeva. Qonaqtardy tanymal artıserdiń qatysýymen mazmundy konserttik baǵdarlama kútedi.
ASL — tek jarys alańy ǵana emes, stýdenttik sportty damytýǵa, salaýatty ómir saltyn nasıhattaýǵa jáne joǵary oqý oryndary arasyndaǵy dostyq baılanysty nyǵaıtýǵa baǵyttalǵan zamanaýı platforma. Lıganyń biregeı formaty, tegin qatysý múmkindigi jáne oıyndardyń onlaın kórsetilimi jobany jastar úshin qoljetimdi ári tartymdy etedi.
Barshańyzdy komandalardy qoldaýǵa jáne Almatydaǵy eń jarqyn jastar sport oqıǵalarynyń biriniń kýási bolýǵa shaqyramyz.
Akredıtasıa úshin baılanys: 87771153355, Ásel.
