Almatyda Uly Otan soǵysyndaǵy Jeńistiń 81 jyldyǵyna oraı eske alý jáne merekelik is-sharalar ótti.
Negizgi baǵdarlama dástúrli túrde 28 gvardıashy-panfılovshylar atyndaǵy saıabaqta uıymdastyryldy. Munda qala ákimi Darhan Satybaldynyń qatysýymen Dańq memorıalyndaǵy Máńgilik alaýyna gúl shoqtaryn qoıý rásimi ótti. Maıdanda qaza tapqan qazaqstandyq jaýyngerlerdiń rýhyna Uly Otan soǵysynyń ardagerleri, tyl eńbekkerleri, áskerı qyzmetshiler, quqyq qorǵaý organdarynyń ókilderi, qoǵam qaıratkerleri men qala turǵyndary bir mınýt únsizdikpen taǵzym etti.
Saıabaqta qala turǵyndary men qonaqtary úshin dala asqanasy uıymdastyrylyp, qazaqstandyq artıser men shyǵarmashylyq ujymdardyń qatysýymen merekelik konsert ótti. Baǵdarlama barysynda maıdan ánderi men soǵystan keıingi jyldardyń tanymal kompozısıalary oryndaldy.
Aıta keteıik, Jeńis kúnine oraı Uly Otan soǵysynyń ardagerlerine jáne azamattardyń ózge de sanattaryna birjolǵy áleýmettik kómek kórsetildi. Atap aıtqanda, 15 UOS ardagerine 5 mln teńgeden tólem berildi. Sondaı-aq, áskerı is-qımyldarǵa qatysýshylarǵa, tyl eńbekkerlerine, ardagerlerge teńestirilgen tulǵalarǵa jáne qaıtys bolǵan ardagerlerdiń jubaıyna materıaldyq qoldaý kórsetildi.
