Soǵystyń órship turǵan kezi, erkek ataýlynyń bári qan-maıdanda ólim men ómirdiń arasynda jantalasyp júr. Aýyldaǵy aýyr jumys analarymyzdyń moınyna artyldy.

 Sol kezderde ár aýylǵa ákimder basshylyq etken. Ol ákim qaralardy halyq qudaıdaı kórdi. Olardyń sózi sóz, zańy zań. Baıǵus analarymyzdy aıamaı jumysqa salǵan. Tipti, túngi 1-2-ge deıin jumys istetken kezderi kóp boldy. Jumysqa barmasa nemese keshigip qalsa, shybyq astyna alǵan.

Ákim ne aıtsa da, ne istese de, halyq únsiz ǵana kóngen zaman edi. Dúnıede ákimnen asqan patsha, ákimnen asqan dana joq dep oılaıtyn. Sodan bir ýaqytta sol aýylǵa Baýyrjan Momyshuly keletin boldy. Aýyl turǵyndary el batyrymen kezdesý úshin japa-tarmaǵaı klýbqa jınaldy. Ortaǵa shyǵyp aýyl ákimi sóz sóıledi: «Myna qazaqtyń batyry, maıdanda qan keship júrgen Baýyrjan» dep maqtaýdy jaýdyryp jatqanda Baýyrjan Momyshuly ákimniń sózin bólip jiberdi. Halyq tań qaldy, ákimniń sózin bólý degen olarda atymen bolmaǵan. Al batyr basyn basqa jaqqa buryp:

 – Áý, kóke! - depti bir aqsaqalǵa: - Meniń ákem qaıtys bolǵanda nege basyna baryp quran oqymadyń? Ana kisi sasqalaqatp, bylaı dep jaýap beredi:

- Shyraǵym Baýyrjan, ol kezde qys qatty boldy, kólik qozǵalysy qıyn boldy...

– Joq, kóke, seniń syltaýyń ol emes. Seni qudaı joq, «din – apıyn» dep júrgender myna qudaısyzdar ǵoı, - dep sol jerde turǵan ákim qarany kórsetti: – Kóke, qudaıdan bezbe, qudaıdan bezbe! Qudaı joq degender boq jepti. Eger Alla joq bolsa, myna ottyń arasynan men tiri kelem be? – degen eken.

Soǵys eńsesin basyp, bastary salbyrap otyrǵan halyqtyń rýhyn batyrdyń sózderi kóterip jiberdi.

 Sodan Baýyrjan Momyshuly shyǵyp bara jatqan kezde anasynyń etegine oralyp bes jasar bala turdy. Batyr anasynyń kózine qarap «Jıshe, myna balany óltirip alma, mynaý adam bolady» depti. Sol bala qazaqqa aty tanylǵan jazýshy, ádebıetshi Sherhan Murtaza edi.    

Youtube jelisindegi Ardaq Nazarovtyń aıtqan aqparatynan