Búgingi kúni Qytaıdaǵy basty ahýalǵa aınalǵan nárse genderlik teńsizdik bolyp otyr. Qytaılyq er-azamattar qalyńdyq izdegende ózderiniń qatty qınalatyndyqtaryn jetkizgen. Tipti qalyńdyq tabý úshin olar neshe túrli ádis-tásilder qoldanady eken.
Qytaıda úılenbegen er-azamattardy «shengnan» dep ataıdy, ıaǵnı «kereksiz», «qajetsiz» «qalyp qalǵan» degen sóz. Qytaılyq er-azamattar áıel adamdardyń azdyǵyna baılanysty qalyńdyq tańdaýda qınalady.
Qytaıdaǵy áıelder men erlerdiń sanynyń aıyrmasy mıllıonmen ólshenedi. Onyń sebebi bir jyldary elde júrgizilgen «januıadaǵy bir bala» saıasaty. 2015 jyly «januıadaǵy 1 bala» saıasatyna tyıym salyndy.
Mamandardyń derekterinshe, 2020 jyly Qytaıdaǵy jalǵyz basty er adamdar sany 30 mıllıonǵa jetýi múmkin. Tipti 2030 jyly er adamdardyń 4/1 bóligi 30-40 jasta úılenbegen azamattar bolady degen boljamdar aıtylýda.
Osyndaı básekelesik ýaqytynda er-azamattar qalyńdyq izdep, qyzdardyń júregin jaýlap alý úshin neshe túrli qı-turqy áreketterge barady eken.
Máselen, 2015 jyly 40 jasar qytaıllyq bıznesmen adamdardy tanystyrý qyzmetimen aınalysatyn shanhaılyq uıymdy sotqa bergen. Onyń sebebi qytaılyq azamat ózine qalyńdyq taýyp berýge ýáde etken uıymǵa 7 mln ıýán (1mln dollar) tólegen. Alaıda, uıym qytaı azamatynyń talabyn oryndaı almaǵan.
Qytaıdyń ońtústigindegi Gýanchjoý qalasynyń turǵyny ózi unatqan qyzdyń júregin jaýlaý úshin 99 aıfon alyp bergen. Alaıda jigittiń ókinishine oraı, qyz onyń usynysyn qabyl almaǵan.
Qytaıda toılanatyn Jańa jyl meıramy qyz-jigitterdiń jıi tanysatyn orny bolsa kerek. Týysqandaryna kelgen jastar ózderine serik izdeýge osy meıramdy paıdalanatyn. Qazirgi kezde bul ejelden kele jatqan meıramdy toılaý toqtap qalǵan.
Qytaılyq áıelderdiń aıtýy boıynsha, er adamdar psıhologtar men sánshilerdiń kómegine júginedi eken. Al týysqandarynyń tarapynan suraqtardan sharshaǵan azamattar qalyńdyq qyzdardy jalǵa alyp jaqyndaryna kórsetýge múmkindik beretin Hire Me Plz qyzmetterin qoldanady. Alaıda bul qyzmet óte qymbat.
Kóbinese, qalyńdyq izdeýde, qyzdarmen tanysýda problemaǵa urynatyn aýyl-aımaqta turatyn azamattar. Sebebi, áıel adamdar óz kezeginde qarjyly, jaǵdaıy jasalǵan er adamdarǵa turmysqa shyqqysy keletini jasyryn emes.
Kóptegen er adamdar keshirek úılengileri keletinin jasyrmaıdy. Onyń sebebin toıǵa ketetin shyǵyn, qalyńdyq tańdaýǵa ketetin ýaqytpen túsindiredi.
Odan bólek Qytaıda qalyńdyq pen kúıeý jigit jármeńkesi ótedi. Bul jármeńkede óz balalaryn úılendirgisi keletin ata-analardyń taqta ústine jasaǵan jarıalanymdaryn kórýge bolady. Alaıda tanysýdyń bul tásili de sátsiz bolyp otyr.
Qytaıdaǵy jalǵyzbasty er adamadardyń kóbeıýin týdyrǵan áleýmettik problema «jalǵyz bala saıasatynyń» áserinen ýshyǵýda, sebebi 2015 jyly bul saıasatqa toqtaý qoıylsa da onyń zardaptary qatty bilinip jatyr. Qytaıda sol jyldary ul balanyń týylýy janýıaǵa qýanysh ákelip,kerisinshe qyz balalardyń týylýy tastandy sábıler men aborttardyń sanyn kóbeıtken. Sondyqtan bolar, qazirgi ýaqytta qyzdar, áıelder sanynyń kúrt tómendeýi tańqalarlyq jaǵdaı emes.
