Bilim berý bul jastardyń dúnıetanymyn qalyptastyrýdaǵy mańyzdy kezeń. Qazaqstannyń bilim berý júıesi din men dinı birlestikterden bólingen jáne zaıyrly sıpatta. Bul jalpy orta bilim berý mekemelerinde kolej jáne joǵary oqý oryndarynda eshbir dindi týra nemese janama túrde nasıhattaýǵa jol berilmeıdi degendi bildiredi.
Búginde memleket bilim alý júıesine erekshe mán berýde. Ózge memleketter sıaqty Qazaqstan da bilim berý júıesi arqyly bolashaqtyń jarqyn, sátti ári tutas bolatynyna senedi. Bul úshin mektep oqýshylary, bilim berý mekemesiniń stýdentteri onyń ishinde memlekettiń baqylaýy men qamqorlyǵyndaǵylar dinı sheńberlerden, tyıymdar men shekteýlerden erkin bolý kerek. Olar bilim alý aıasyn keńeıtý úshin ózge mádenıet jáne din ókilderimen qarym-qatynasy barynsha jaqyn bolǵany durys. Din oqýshynyń sanasy jetpeıtin dúnıetanymdyq, ıdeologıalyq, uıymdastyrýshylyq resýrtarǵa ıe.
Tarıhı tájirıbe kórsetkendeı, zaıyrlylyq pedagogıkalyq jáne psıhologıalyq kózqaras turǵysynan da qazirgi óskeleń urpaqtyń gýmanıtarlyq bilim berý talaptaryna tolyq sáıkes keledi.
Sonymen qatar, balanyń bolashaǵy kóptegen faktorlarmen baılanysty, biraq onyń ishinde eń bastysy bilim alý ekenin ata-analar eskerýi kerek. Sondyqtan qazirgi bilim berý júıesinde adamdardyń dinı qatystylyǵy men dinge qatynasy balanyń damýyna jáne bilim alýyna, qoǵamnan oqshaýlanýyna kedergi bolmaýy kerek.
Elimizdiń zaıyrlylyq ustanymy azamattardyń dinge nemese mádenı-áleýmettik alýantúrliligine qaramastan olardyń barlyǵyna birdeı qaraıtynyn eskergen jón. Sondyqtan, quzyrly memlekettik organdar elimizdiń zańnamalaryna zaıyrly bilimberý mekemelerinde dindi nasıhattaýǵa jol bermeıtin talapty engizýdi qarastyrǵany jón dep esepteımin.
Qabylova Aına Saǵatbekqyzy,
L.N.Gýmılev at.EUÝ «Dintaný»
kafedrasynyń profesory
