«Qasıetti Gang ózeni» degendi estigende bárimizdiń oıymyzǵa birinshi kezekte qasıetti meken, qulshylyq, úndilerdiń qudaılar dep júrgen puttary keledi.

Gang ózeni – Ońtústik Azıadaǵy eń uzyn ózenderdiń biri. Keı ańyzdarda bul ózen Jerge túsken Aspan ózeni degen aqparattar kezdesedi.

Ańyzǵa súıensek, birde Bharata patsha óziniń qaıtys bolǵan babalarynyń súıegin tazartý úshin Qudaıdan sý surapty. Qatty aǵysty sý jerdegi tiri adamdardy shaıyp ketpes úshin Shıva-qudaı sýǵa basyn ıipti, sodan ol sý ózen bolyp, Shıvanyń uzyn shashyn boılaı aǵa bastady.

Sol úshin úndi halqy Gang ózenin qasıetti dep sanaıdy. Ózenge jýynsa, kúnálarymyzdan tazaramyz dep senedi. Al ólgen adamdardy osy ózenge aǵyzady eken. Baılar máıitti órtep, kúlin aǵyzsa, kedeıler órtemeı-aq máıittiń ózin aǵyza salatyn kórinedi.

Sonda, kúnádan arylamyz, janymyzdy tazartamyz degen úndiler ózenge jýynamyn dep kerisinshe denelerin lastaıdy.

Onyń ústine, jaı ǵana qulshylyq úshin jýynsa jaqsy ǵoı, joq, odan bólek tisterin tazalaıdy, kıimderin jýady, jemis-jıdekterin tazalaıdy. Sıyrlary ózen mańynda jaıylyp júredi.

Soǵan qaramastan, Úndistanǵa týrıser kóp keledi. Shyndyqqa kóz jetikizip, kóńilderi qalatyndar da joq emes.

Úndi bıligin de bul jaǵdaı alańdatatyn kórinedi. 15 jyldan beri ózendi tazalaý jumystary júrgizilip keldei. Biraq, nátıjesi baıqala qoımady

Adamdardyń máıitine toly ózende shyndyqty bile tura qasıetti rásimderin ótkizetin úndilikterdiń nanym-senimderi jaǵa ustatarlyq emeı nemene? Úndi serıaldaryn tamashalap, «Kelinin» óz kelindeı jaqsy kóretin qanshama ata-ájelerimiz, aǵa-ápkelerimiz bar. Fılmderinen qulshylyq jasaǵan túrli dástúrlerine qarap úndilerdi naǵyz dinı halyq dep sanap, súısine qaraıtyndar da joq emes. Al olardyń naǵyz shyndyǵy osyndaı bolyp shyqty.