Túrkistandyq muǵalimderdi  qalanyń osy jyly túrki áleminiń mádenı astanasy bolýyna oraı kóshe boıyn syrlap, sýret salyp shyǵýǵa mindettegen. Sondaı-aq, ákim qalaǵa Naýryz merekesine keletin týrıserdiń shyǵynyn muǵalimderdiń qaltasynan óteýdi talap etip otyr, dep habarlaıdy qamshy.kz  nur.kz-ke silteme jasap.

 Jumysynan aıyrylyp qalam ba degen qaýippen muǵalimniń biri: "Bizde bári shyndyqty ashyp aıtýǵa qorqady. Men ózim muǵalimmin. Jalǵyzbasty anamyn. Jumysymnan aıyrylyp qalǵym kelmeıdi. Sizderge aıtaıyn degenim, bıyl Túrkistan túrki halyqtarynyń mádenı astanasy atandy.

Soǵan oraı qalada jóndeý jumystary  qyzý júrip jatyr. Al sol jumysqa sabaǵyn, bala-shaǵasyn tastap, esh aqy tólemeı syzý, sýret, tehnologıa pániniń muǵalimderi jegilýde. Sýyq kúnde bizdi búkil kóshe boıyn syrlap, sýret salyp shyǵýǵa mindetti. Ákim tapsyrmasy solaı.

Taǵy bir másele, Túrkistanda ótetin Naýryz merekesi erekshe bolmaq, oǵan týrıser keledi eken. Al sol kelgen týrıserdi taǵy da muǵalimder kútip almaq. Ár mektepke 20 týrısen bólip beripti. Olardyń jolynyń, tamaǵynyń, qonaq úıiniń aqshasy muǵalimderdiń moınynda.  Ár muǵalim 3-4 myń teńgeden berý kerek. Ol da ákimniń tapsyrmasy. Gazet-jýrnalyn bylaı qoıǵanda, aıta berseń kúnde aqsha jınaý. Ózbekstannan ánshi kelipti.

Barlyǵy ózbek tilinde jazylǵan bıletter. Ony ár muǵalim alýǵa tıis eken. Barǵyń kele me, kelmeı me - suramaıdy. Baǵasy 1500-2500 teńgeden. Sonda 60-70 myń teńge aılyq alatyn muǵalimniń aqshasy nege jetpek?!.  Bala-shaǵanyń júris-turysy, dúkendegi qaryz, kredıt, bılet,  páter aqy, jolaqymyz taǵy bar. Muǵalim robot pa sonda, qalaı oılaısyzdar?!", - deıdi ashynǵan ustaz.

Mekeme mamanynyń aıtýynsha, bul jaǵdaı demalys kúnderi jalpy qalalyq senbilik kezinde bolǵan.

"Demalys kúnderi qalada senbilik uıymdastyrylady. Oǵan muǵalimder ǵana emes, basqalary da qatysty", - dedi Ábýtálip Asanov.