Keshe Qazaqstanǵa Ózbekstan prezıdenti Shavkat Mırzıóev memlekettik saparmen keldi. Aqordada Shavkat Mıromonulyn zor saltanatpen qarsy alǵan Nazarbaev «Bul sizdiń prezıdent bolyp saılanǵannan keıingi tuńǵysh memlekettik saparyńyz. Saılanýyńyzben men sizdi shyn júrekten quttyqtaımyn. Baýyrlas ózbek halqyna, ózińizge zor densaýlyq pen úlken tabystar tileımiz. Biz týysqan el retinde ózbek halqynyń, ózbek memleketiniń órkendep, ónip úlken jetistikterge jetip otyrýyn qalaımyz» dedi.
Islam Karımovten keıingi Ózbekstannyń prezıdenti Qazaqstanǵa asa tanys emes. Ony bireýler burynǵy mınıstrlerdiń biriniń qyzyna úılengen soń tasy órge domalaǵan adam aıtady. Alaıda, Mırzıóev Qazaqstan túgili Ózbekstanda da jumbaq adamdardyń biri. Mırzıóev kim degen suraqqa jaýap izdep, saıası jolyna kóz salyp kórdik.
Shavkat Mırzıóevtiń qaı jerde týylǵanyna baılanysty eki túrli derek bar: birinshi, ol Ózbekstannyń Djızzaq oblysy Zaamın aýdanynda dúnıege kelgen; ekinshi, Mırzıóev ol jerge 60 jyldarda ǵana kelgen, al ózi Tájikstannyń Ura-Túben oblysy Iahtan aýylynda týylǵan. Bul derekterge qatysty naqty málimet alý úshin tilshilerdiń bir toby Tájikstandaǵy aýylǵa sapar shegipti. Ol jerdiń turǵyndary Shavkat Mırzıóevti jaqsy tanıdy eken, biraq bir qyzyǵy ol jaıly tis jaryp aıtqysy kelmeıdi. 2003 jyly Mırzıóevti premer-mınıstr etip taǵaıyndaǵan kezde Iahtan aýylynyń turǵyndarynda memlekettik qaýipsizdik organdarymen bir másele bolǵanǵa uqsaıdy. Sol sebepten bolar, Shavkat Mırzıóev jaıly eshbir adam qandaı da bolsyn bir aqparat aıtqysy kelmegen tárizdi.
Shavkat Mırzıóev qandaı otbasydan shyqqan? Shavkat Mırzıóev – dáriger Mıromona Mırzıóevtyń uly. Ol jubaıy kóz jumǵannan keıin bar ómirin týberkýlezben kúreske arnaǵan. Balalyq shaǵynda Shavkat Mırzıóevti ógeı anasy tárbıelep ósirgen. Bul derekterden taǵy da eki túrli nusqa shyǵady:
1) ógeı anasy ony bar yqylasymen mahabbatqa bólep ósirgendikten ony ógeı dep aıtqandy unatpaıdy;
2) kez kelgen qateligi úshin Shavkat Mırzıóevti sýsyz, nansyz qaldyryp, qatań jazalaǵandyqtan aǵasynyń úıine kóship barýǵa májbúr bolǵan.
Shavkat Mırzıóev tájik pe? Iahtan aýylynyń basym kópshiligi ózbek halqy bolǵandyqtan onyń tájik emes ózbek ultynan bolýy ábden múmkin. Alaıda, Mırzıóev arǵy atalary Tájikstandaǵy Mach eldi mekeniniń týmalary, aqsúıek tuqymdary ekendigi belgili boldy. Sol sebepten de olardyń esimderi «Mır», ıaǵnı, bıleýshiler degen uǵymdy bildiretin tirkesten bastalady.
Mırzıóevtiń saıası joly
Shavkat Mırzıóev qaıda bilim aldy jáne qaı jerde jumys atqardy? Mektepti bitirgen soń Shavkat Mırzıóev Tashkenttiń aýylsharýashylyq ınstıtýyna oqýǵa túsedi. Ol komsomol ujymynyń hatshysy bolyp jumys isteıdi, keıinnen sol ınstıtýttyń prorektory bolyp taǵaıyndalady. Sonan soń Tashkenttiń Quıbysh aýdanynda ákim qyzmetine otyryp, 1996 jyly Djızzaq oblysynyń basqarýshysy bolady. 2003 jyly joǵaryda atap ótkendeı premer-mınıstr bolyp saılanady. Sonymen qatar maqta sharýashylyǵyna jaýapty bolady.
Ol 2003 jyly 11 jeltoqsanda, 2005 jyly 28 qańtarda, 2010 jyly 27 qańtarda, 2015 jyly 15 qańtarda qatarynan 4 ret Ózbekstan bas mınıstri bolyp, 16 jyl premerlik qyzmet atqardy.
Premerlik qyzmetke deıin Mırzıóevtiń saıası joly 1990 jyly Joǵarǵy Keńestiń depýtaty bolýymen bastaldy.
1992 jyly Mırzo-Ýlýgbektiń hokımi(Ákimi) boldy. Al, 1996 jyly Djızaaq oblysyna ákim bolyp taǵaıyndaldy. 1994 jyly ózgergen Parlament júıesine saı Olıı Majılıs atalǵan parlamentke Mırzıóev 1999 jyly qaıta depýtat bolyp keldi. Mandaty 2004 jylǵa deıin saqtaldy.
2001 jyly Samarqand ákimi bolyp, Premerlikke taǵaıyndalǵanǵa deıin qyzmet etti.
Ózbek basshysynyń kelýinen jurt ne kútedi?
Naýryz meıramynda josparlanǵan saparda solardyń birazynyń túıini tarqatylady degen boljamy bar sarapshylardyń. Sonymen qatar, Qazaqstanmen baılanystardy kúsheıtýge nıet tanytqan Prezıdent Sh.Mırzıóev arasynda ótetin kezdesý ekijaqty saıası-ekonomıkalyq qatynastardy nyǵaıtyp, strategıalyq yqpaldastyqtyń múmkindikterin arttyrady dep kútilýde.
