2015 jyly mamyr aıynda  youtube.com áleýmettik jelisinde aty-jóni belgisiz avtor Soltústik Avstralıada ornalasqan ormandardyń birinde úı salyp, jabaıy tabıǵatta ómr súrýdiń alǵy sharttaryn óziniń kórermenderine túsirip kórsete bastaǵan bolatyn. Eki jyl boıy onyń alǵashqy  vıdeosyn 18,7 mıllıon adam kórip tastaǵan.  Bul týraly «Qamshy» portaly lenta.ru-ǵa silteme jasap habarlaıdy.

Al búgin aty-jóni belgisiz blogerdiń kórermenderi ósip, kóptegen vıdeojazbalar túsirilip úlgergen. 

Primitive Technology kanalynyń vıdeolaryn birinshi ret kórgen kórermenge jabaıy tabıǵatta tiri qalýdyń amaldaryn jasap júrgen adam bolyp kórinýi múmkin. Alaıda bul bloger óziniń shyn esimin jasyryp, tildesý, suhbattardan qashady eken.

Avtordyń aıtýynsha ol ormanda turmaıdy, tek óziniń jumystaryn jasaý úshin sonda baryp tynyshtyqta otyrǵandy jaqsy kóredi eken.

Bloger túsiretin vıdeolardyń ereksheligi – sózsiz jazbalar jasaýy. Iaǵnı, avtor vıdeoda múldem sóılemeıdi.

Vıdeo astynda tolyq túsindirme jazbasyn qaldyrady. Onda jabaıy tabıǵatta qalaı ómir súrýge bolatyn, úıdi qalaı salýǵa bolatynyn, tamaqtanýǵa, belgili-bir quraldyrdy jasaýǵa úıretedi.

Qarý-jaraq jasaýdy unatatyn blogerdiń qanjyǵasynda taza tabıǵı qoldan jasalǵan sadaq, sadaq oqtary jáne t.b bar.

Vıdeojazbalarynyń birinde avstralıalyq bloger jabaıy tabıǵatta tamaqtaný jaıynda: sýdan balyq, sýshaıandy qalaı aýlaý kerektigin túsindiredi.

Bul vıdeojazbalardyń astyna kóp qoldanýshylar ózderiniń jaqsy pikirlerin qaldyryp, avtorǵa tańqalystaryn jasyrmaıdy. Qazirgi kezde elekt energıasyna, ınternetke táýeldi adamdar qarapaıym ot jaǵýdyń ózin bilmeıdi deıdi qoldanýshylar.

Primitive Technology  YouTube jelisindegi tanymdyq ári paıdaly kanaldardyń biri retinde baǵalanyp, qoldanýshylardyń kóńilinen shyǵyp otyr.

Qoldanýshylar tarapynan «Endi men ormanda jalǵyz qalyp úı salýdy, kartop ósirýdi de bilip aldym. Raqmet saǵan únsiz bloger» degen sekildi pikirler kóp kezdesedi.