Voleıbolshy Djıllıan Ýıláms 20 jasta bolǵanda basynan qaıǵyly jaǵdaı ótti. Sportpen shuǵyldanyp, sulýlyq baıqaýlaryna qatysyp óz baǵyn synap júrgen sulý da belsendi qyzdyń bolashaqqa qurǵan josparlary kóp edi.  

Djıllıannyń kenetten tizesi aýyra bastaıdy. Kásibı voleıbolshy retinde ol tizesi ádettegi tendınıtten bola aýyryp jatyr dep oılaǵan. Sondyqtan jattyqtyrýshymen aqyldasyp sol toqsanǵa josparlanǵan oıyndardy oınap bolǵannan keıin dárigerge kórinýdi sheshken.  

Qyz barlyǵynan buryn tegirshiktiń úzilýinen qoryqqan edi. Dese de, ol máseleni de ońaılyqpen sheshýge bolatyn edi. Alaıda dárigerler sportshyǵa tizesinde qaterli isik paıda bolǵanyn aıtqan. Djıllıan Ýıláms ıýıng aýrýyna shaldyqqan bolyp shyqty.

Eki jyl buryn sportshy qyzdyń ákesi onkologıalyq aýrýǵa shaldyqqan edi. Er adam aýrýdy jeńip shyqty. Osy jaıt qyzyna da kúsh berdi.

Dárigerler Djıllıanǵa birneshe nusqany usyndy. Olar aıaqty saqtap qalýǵa bolatynyn aıtty. Alaıda aýrý birneshe esege asqynýy múmkin edi. Mamandarmen aqyldasyp sportshy qyz tizesin túgeldeı kesýge kelisimin beredi.

Operasıa, hımıoterapıa, túrli emdeý sharalarynan ótken Djýlıannyń saǵy synbady. Ol sary ýaıymǵa salynǵan ata-anasyna da kúsh berip, barlyǵy jaqsy bolatynyn árkez aıtyp otyrǵan.

«Jaqsy sóz jarym yrys» demekshi qyz tez qalypty ómirge qaıta oraldy. Aýrýhanadan shyqqanyna birneshe aı ǵana bolsa da ol voleıbol oınap, jattyǵyp júr. Jattyqtyrýshy onyń kúsh jigerine tánti bolǵanyn aıtady. Djıllıan eldiń paralımpıadalyq komandasynda oryn alýdy maqsat etip qoıdy.

Sonymen qatar, Djýllıan sulýlyq baıqaýy týraly da umytpady. Ol sahnaǵa protezde shyqqan alǵashqy jeńimpaz atanǵysy keledi.

Daıyndaǵan: Ásem Álmuhanbet