Bul týraly Ortalyq komýnıkasıalar qyzmetinde ótken baspasóz konferensıa barysynda QR Bilim jáne ǵylym mınıstrligi Ulttyq testileý ortalyǵynyń dırektory Ramazan Álimqulov baıandady dep habarlaıdy Qamshy aqparattyq agenttigi. 

«Eń joǵary bal jınaǵan Almaty qalasyndaǵy «M.Maqataev atyndaǵy №140 gımnazıa» KMM bitirýshisi Tasan Saıat Eltaıuly. Ol 139 bal jınady. Sonymen qatar, 7 adam – 138 bal jınady. 2017 jyly UBT ótkizý barysyndaǵy barlyq is-shara shtattyq tártipte ótti. Halyq UBT jańa formatyn jaqsy qabyldady», - dedi ol.

Spıkerdiń sózinshe Qazaqstan boıynsha bes pánnen ortasha bal 80,5% quraǵan. Byltyrǵy jylǵy kórsetkish 81% bolǵan. «Shektik deńgeıden, ıaǵnı 50 bal alǵan 74 517, onyń ishinde 60-65 bal 5935, 66-119 bal 52 717, 120 – 139 bal 5 064. Shektik deńgeıden óte almaǵandar sany 14 066 adam», - dedi R.Álimqulov. 

Joǵary jáne joǵary oqý ornynan keıingi bilim departamenti dırektorynyń orynbasary Gúlzat Kóbenovanyń málimetinshe qajetti baldy jınaı almaǵan túlekterge Bilim jáne ǵylym mınıstrligi ótken jylǵydaı UBT men keshendi testileýdi qaıtalaý túrinde qaıtadan tapsyrýǵa múmkindik berdi. «Ol úshin talapkerler tamyz aıynyń 1-9 aralyǵynda JOO-na baryp, óz qujattaryn tapsyrýy tıis. Eger de qaıtalaýdy tapsyrǵan kezde kerekti baldy taǵy da jınaı almaı qalatyn bolsa, onda JOO-na baryp bir semestrge shartty túrde alýyna ótinish bildirýige bolady. Qabyldanǵan jaǵdaı da bir semestrdi aqyly túrde oqyp, qysta keshendi testileýdi qaıta tapsyrýy kerek. Bul jerde túlektiń bilimge degen qushtarlyǵy men ata-anasynyń jaýapkershiligi mańyzdy oryn alady», - dedi spıker.

Sholýshy: Ásem Álmuhanbet