Qazaq kúresinen jetinshi ret uıymdastyrylǵan "Qazaqstan barysy" jeńimpazy anyqtaldy. Astanadaǵy "Barys Arenada" ótken dodada Elaman Erǵalıev úzdik shyqty, - dep habarlaıdy Qamshy aqparattyq agenttigi Vesti.kz-ke silteme jasap.
Astanada ótken Qazaqstan barysyna Ulan Rysqul, Aıbek Nuǵymarov pen Muhıt Tursynov syndy jeńimpaz atanǵan balýandar qatysty. Al bul dodada úsh ret jeńimpaz atanǵan Beıbit Ystybaev bıylǵy jarysqa qatysqan joq. Ol kúzde ótetin "Álem barysynda" baq synaýdy josparlap otyr.
2014 jyly Qazaqstan barysy atanǵan Muhıt Tursynov birinshi beldesýinde "Ásker barysy" atanyp kelgen Elaman Erǵalıevten jeńildi. Baıqońyr qalasynyń týmasy shırek fınalda qaraǵandylyq Asyl Barmenovti jarystan shyǵardy. Asyl jaraqatyna baılanysty beldesýdi sońyna deıin jalǵastyra almady. Elaman Erǵalıev.
Jiger Ábenov Elaman Erǵalıev jartylaı fınalda atyraýlyq Arman Qalıevti aıqyn jeńip, fınalǵa shyqty. Jartylaı fınaldaǵy ekinshi beldesýde tuńǵysh "Qazaqstan barysy" men 2013 jylǵy jeńimpaz Aıbek Nuǵymarov kezdesti. Tartysqa toly ótken beldesýde Almaty oblysynyń atynan shyqqan Ulan Rysquldyń asyǵy alshysynan tústi. Elaman Erǵalıev.
Jiger Ábenov Qola belbeý úshin kúreste Shyǵys Qazaqstannyń namysyn qorǵaǵan Aıbek Nuǵymarov atyraýlyq Arman Qalıevti jeńdi. Fınalda birinshi bolyp ádis jasamaq bolǵan Ulan Rysqul Elamandy shalyp jyǵa almady. Esesine qarsylasy ádis paıdalanyp, jartylaı jeńiske ıe boldy. Artynsha taza jeńiske jetti. Jarys jeńimpazy atanǵan balýan Elaman Erǵalıevke altyn belbeý jáne altynnan quıylǵan "Taıtuıaq" tabystaldy. Sondaı-aq 25 mıllıon teńge syıaqy aldy. Jattyqtyrýshysy da syıaqydan qur alaqan qalmaıdy. 3,5 mıllıon teńge kóleminde syıaqy ıelenetin bolady.
Kúmis belbeýdi ıelengen Ulan Rysqul 5,5 mıllıon teńgege ıe boldy. Jattyqtyrýshysyna 1,8 mıllıon teńge berildi. Qola belbeý úshin ótken beldesýde jeńiske jetken Aıbek Nuǵymarov 1,8 mıllıon teńgeniń sertıfıkaty tabystaldy. Jattyqtyrýshysy 900 000 teńge alady.
Aıta keteıik, balýandar ár beldesýde jeńiske jetken saıyn 100 000 teńgeden ıe bolyp otyrdy.
Sholýshy: Aıgerim Taýbaı
