WBA (Super), WBO jáne IBF tujyrymdary boıynsha orta aýyr salmaqtaǵy álem chempıony amerıkalyq Andre Ýord (32-0, 15 KO) WBA (Super), IBO, WBC jáne IBF tujyrymdary boıynsha orta salmaqtaǵy Gennadıı Golovkın (37-0, 33 KO) men meksıkalyq Saýl "Kanelo" Alvares (49-1-1, 34 KO) jekpe-jegine qatysty boljamyn aıtty, - dep habarlaıdy Qamshy aqparattyq agenttgi Vesti.kz saıtyna silteme jasap.
"Menińshe, bul jaqsy jekpe-jek bolady. Golovkınniń "Kanelodan" irirek ekeni onsyz da kórinip tur. Biraq bul faktor kezdesýge áser ete me jáne Alvares Golovkınniń soqqysyn kótere ala ma, mine, basty másele osynda. Biraq "Kanelonyń" nokaýty myqty, judyryqtasa alady jáne ol qý. Ol osynyń barlyǵyn jekpe-jekte qoldanady dep senemin", - deıdi Andre Ýord.
Onyń aıtýynsha, jekpe-jektiń kimniń jeńiske jetetinin aıtý qıyn. "Bul boks. Bir soqqy ǵana alyp, barlyǵyn ózgertýge bolady. Biraq ne bolatynyn jáne kimniń jeńetinin bilmeımin", - dedi Andre Ýord First Take na ESPN telerarnasyna bergen suhbatynda.
Aıta keteıik, qos boksshy arasyndaǵy jekpe-jek Las-Vegasta (AQSH, Nevada) ótetini resmı túrde jarıalandy. "Kanelo" - Golovkın jekpe-jegi 16 qyrkúıek kúni T-Mobile Arena arenasynda ótedi.
Saýl Kanelo Alvareske qarsy jekpe-jekte Gennadıı Golovkın orta salmaqta WBC, WBA (Super), IBF jáne IBO chempıondyq ataqtaryn qorǵaıdy. Meksıkalyq "The Ring" jýrnalynyń belbeýin báske tigedi.
