Qytaıdyń ońtústigi men ortalyǵynda jaýǵan nóser sońy tasqynǵa aınaldy. Tabıǵattyń tosyn minezinen 33 adam ajal qushty. Taǵy 15 – joǵalǵandar sanatynda dep jazady 24.kz.  Jaýyn-shashynnan keıin aımaqtaǵy 60 ózenniń sý deńgeıi kóterildi. Sondyqtan shahardyń kósheleri de kólge aınalǵan. Al turǵyndar eshqaıda shyǵa almaı, tasqyn sýdyń qursaýynda qaldy. Ótken aıdyń ortasynda bastalǵan jaýynnan ásirese Hýnan provınsıasy qatty zardap shekti. Munda aǵyn sý turǵyn úılerdi qıratyp, joldardan jyra jasaǵan. Jergilikti bılik ókilderiniń esebinshe jaýyn shashynnan el ekonomıkasyna 1 bútin júzden 22 mıllıard AQSH dollary kóleminde shyǵyn keldi. Al eldiń soltústiginde jaǵdaı kerisinshe. Bul aımaqtyń turǵyndary aptap ystyqtan zardap shegip jatyr. Jergilikti meteorologtardyń aıtýynsha, munda aýa temperatýrasy 40 gradýsqa deıin joǵarylaǵan.