Astanada ashylǵan «Shanhaı aptalyǵy» halyqaralyq kórmesine plasık bótelkelerdiń qaldyqtarynan jasalǵan shabadandar qoıyldy, dep habarlaıdy Qamshy aqparattyq agenttigi QazAqparatqa silteme jasap.

Qajetsiz plasık bótelkelerdi qaıta óńdeý jolymen jasalǵan bul jolsandyqtardy «Shangtex Holding» korporasıasy quramyndaǵy Newest kompanıasy Qazaqstanǵa alǵash ret ákelip otyr.

«Bul tásil Qytaıda 1994 jyldary paıda bolǵan. Biz kereksiz plasık bótelkelerdi jınap, arnaıy usaqtaımyz jáne olardy eritip, taqtaı tárizdi syǵymdaımyz. Osylaısha, daıyn bolǵan materıaldy boıap, túrli-tústi shabadandar ázirleımiz», - deıdi kásiporyn ókilderi.

Mundaı shabadandardyń salmaǵy 2 kelini quraıdy, al naryqtaǵy quny 120 dollarǵa teń.

Sondaı-aq «Shanhaı tekstıl» mamandary plasıkten kıim de tigýge bolatynyn atap ótti. Olardyń aıtýynsha, plasık materıaldan tigilgen kıimder maqtadan tigilgenderge qaraǵanda myqtyraq ári arzan bolady.

«Arnaıy apparat arqyly plasıkten jip jasalady jáne sol jipten kıimder tigiledi. Bul tájirıbe Qytaıda keńinen taraǵan», - deıdi olar.

Aıta keteıik, «ESKPO-2017» halyqaralyq kórmesi aıasynda búgin Radisson Blu Astana qonaqúıinde «Shanhaı aptalyǵy» halyqaralyq kórmesi ashyldy.  Onda energetıka, avtomobıl qurastyrý, qurylys, hımıalyq óndiris, tekstıl jáne azyq-túlik óndirisi salalaryndaǵy Shanhaıdyń beldi kásiporyndarynyń jańa tehnologıalary, qurylǵylary men taýarlary qoıylǵan. Kórme 5 shildege deıin jalǵasady.