Pavlodarda qala kósheleriniń birinde «BMW» markaly kóliginiń júrgizýshisi aǵashqa soǵylyp, temir tulparyn tastap ketken, dep habarlaıdy Qamshy aqparattyq agenttigi pavlodarnews.kz málimetine súıenip. Bul týraly agenttiktiń saýal hatyna joldaǵan jaýabynda Pavlodar oblystyq İİD habarlady. - «BMW» markaly kóliginiń anyqtalmaǵan júrgizýshisi Vorýshın kóshesiniń mańyndaǵy aǵashqa soǵylǵan, keıin júrgizýshi oqıǵa ornynan kólikti tastap, qashyp ketken. Osy fakti boıynsha Qazaqstan Respýblıkasy ÁQBtK 611-baby 2-bólimi boıynsha ákimshilik óndiris qozǵaldy. Jol kólik oqıǵasyna kináli adamdy anyqtaý boıynsha is-shara júrgizilýde.

Soǵylǵan temir tulpar aıyppul turaǵyna qoıyldy, - dep jazylǵan habarlamada. Aıta keteıik, keshki saǵat 22.00 shamasynda eki birdeı «Lexus» kólikteri soǵylyp qaldy.
Oblystyq İİD usynǵan aqparatqa súıensek, «Lexus Is 300» júrgizýshisi 1989 jyly týǵan azamat Qaıyrbaev kóshesinde kele jatyp shyǵystan bastysqa baǵyttalǵanda jyldamdyqty saqtamaı, Jeńis alańy kóshesine burylǵan. Saldarynan 1983 jyly týǵan azamatqa tıesili turaqta turǵan «Lexus Gs 300» markaly avtomobıldi soqqan. Jol kólik oqıǵasynan keıin júrgizýshi men 1998 jyly týǵan jolaýshy azamatsha ártúrli jaraqattarmen aýrýhanaǵa jetkizildi. Olar medısınalyq kómek kórsetilgennen keıin úıge jiberilgen. JKO kezinde eki júrgizýshi de saý boldy. Jyldamdyqty saqtamaǵan júrgizýshige qatysty Qazaqstan Respýblıkasy ÁQBtK 610- babynyń 1- bólimine sáıkes ákimshlik quqyq buzýshylyq týraly hattama toltyryldy.

Sholýshy: Aıgerim Taýbaı