«Samuryq-Qazyna» qorynyń iri aktıvterin ótkizý merzimderi nysandardy barynsha tartymdy baǵamen satý úshin túzetildi, dep jazady Qamshy aqparat agenttigi. Bul týraly Úkimet otyrysynyń qorytyndysy boıynsha ótken baspasóz konferensıasynda QR qarjy vıse-mınıstri Berik Sholpanqulov habarlady. 

Jýrnalıserdiń suraqtaryna jaýap bere otyryp, B. Sholpanqulov jańa termınal turǵyzylǵan Astananyń halyqaralyq áýejaıyn mysalǵa keltirdi. 

«Qurylys aıaqtalǵannan keıin, áýejaı quny ulǵaıtyldy. Ony sol kezde satqan durys bolar ma edi, álde baǵanyń óskenin kútý kerek pe? Bári de túsinikti dep oılaımyn», - dedi spıker. 

Dál osyndaı jaǵdaı «Qazatomónerkásipte» oryn aldy. 

«Kompanıa óndiretin ónim quny ósedi dep kútilýde, sáıkesinshe, kompanıa baǵasy da ulǵaıady. Osyny eskere otyryp, biz naryqtaǵy eń joǵarǵy baǵany kútemiz», - dedi vıse-mınıstr. 

Qazirgi tańda iri kompanıalardy ótkizý úshin satý aldyndaǵy daıyndyq jumystary, baǵalaý, áleýetti ınvestorlardy izdestirý jumystary júrgizilip jatyr. Qarjylyq aýdıt úshin táýelsiz konsýltanttar tartyldy. «Samuryq-Qazyna» UÁQ 17 iri kompanıasyn ótkizý jumystary josparǵa sáıkes 2019-2020 jyldary júzege asyrylady.