Qazaqstanda úıdiń baǵasy arzandap jatyr dep jazady Qamshy aqparattyq agenttigi krisha.kz-ke silteme jasap.

Baǵanyń tómendeýi orta nemese tómengi respýblıkalyq deńgeıge jetken aımaqtar – Almaty, Astana jáne Shymkent. Astanadaǵy jyljymaıtyn múlik naryǵyndaǵy kórsetkish 5 % tómendegen. Jarty jyldyń ishinde bir sharshy metrdiń baǵasy 16 myń teńgege arzandady.

Osyndaı jaǵdaı Aqtóbe men Qostanaıda da oryn aldy. Maýsym aıynda bir sharshy metr 5 jáne 5.3 % arzandady. Bul 8 jáne 9.9 myń teńgeni quraıdy.

Turǵyn úı naryǵynda zardap shekkenderdiń úshtigi qatarynda Almaty da bar. Munda ortasha baǵa 6 %.

Jarty jyldyq kórsetkishte Shymkent  pen Aqtaý kósh bastap tur. Bul aımaqtarda bir sharshy metr 9 % arzandady. Iaǵnı, 19 jáne 23 myńǵa tústi.

Maýsym aıyndaǵy eń arzan jyljymaıtyn múlik Aqtóbede. Bir sharshy metrdiń ortasha baǵasy 152 myń teńgeni quraıdy.

Turǵyn úıi qymbat qalalardyń bestigine Qaraǵandy men Shymkent kirdi. Ondaǵy bir sharshy metrdiń baǵasy 196 jáne 199 myń teńgeni quraıdy.

Úshinshi orynda – Aqtaý. Bir sharshy metr 226 myń teńge turady.

Ekinshi orynda – Astana. Onda bir sharshy metr 317 myń teńge turady.

Qazaqstandaǵy turǵyn úıi eń qymbat qala – Almaty. Onda bir sharshy metr 338 myń teńge turady.

Sholýshy: Ásem Álmuhanbet