Sońǵy 12 jylda el ekonomıkasyna quıylǵan 245 mlrd dollardan astam sheteldik qarjynyń basym bóligi paıdaly qazbalardy ıgerýge jumsaldy dep habarlaıdy Qamshy aqparattyq agenttigi 24.kz-ke silteme berip.  Sońǵy málimetterge súıensek, aǵymdaǵy jyldyń birinshi toqsanynda tikeleı ınvestısıalardyń jalpy kólemi jıyrma paıyzǵa artqan. Bul týraly qurmetti konsýldar sezinde Investısıalar jáne damý mınıstriniń orynbasary málimdedi.

Atalǵan sharanyń maqsaty - shetel ınvestorlary úshin Qazaqstanda jasalyp jatqan jaǵdaılardy jan-jaqty túsindirý jáne sol aqparatty konsýldar arqyly barlyq ınvestorlarǵa jetkizý. Basqosýǵa jergilikti jáne sheteldiń 130-dan astam qurmetti konsýly qatysty.  Erlan Qaıyrov, QR Investısıalar jáne damý mınıstriniń orynbasary: - Bizde 700-den astam memlekettik menshik saýdaǵa qoıylady. Sheteldik ınvestorlardy sol múlikti jekeshelendirý múmkindigin qarastyrýǵa shaqyramyn. Memlekettik-jekemenshik áriptestik salasynda da kóptegen jobany birlese otyryp, qolǵa alýǵa bolady-dedi.