Vıktorıa Zábkına úsh dúrkin Azıa chempıony atandy. Jeńil atletıkadan ótken Azıa chempıonatynda Qazaqstan júldeler esebi boıynsha úshinshi oryn ıelendi. Bul týraly Qamshy aqparattyq agenttigi habarlaıdy.
Úndistannyń Bhýbaneshvar qalasynda ótken tórtkúndik jarysty Qazaqstan quramasy tórt altyn, eki kúmis jáne eki qola júldege qol jetkizdi. Jarystyń sońǵy kúni 200 metrge júgirýden Vıktorıa Zábkına altynǵa qol jetkizip, Azıa maýsymyndaǵy úzdik ýaqytty (23.10 sekýnd) kórsetti. Osylaısha ol Azıanyń úsh dúrkin chempıony atandy. Munyń aldynda ol 100 metrge júgirýde birinshi boldy jáne estafeta quramynda da jeńimpaz atanǵan edi.
Sholýshy: Aıgerim Taýbaı
