Ońtústik Qazaqstan oblysynda dala órti jıiledi. Báıdibek aýdany Ekpindi aýylynyń mańyndaǵy jaıylymdyq alqaptan ushtanǵan órt bul joly egiske ótip ketken. Qyzyl jalyn pisip turǵan 100 gektar astyqty túgeldeı kúlge aınaldyrdy dep habarlaıdy Qamshy aqparattyq agenttigi 24.kz-ke silteme jasaı otyryp.

Aptapty ystyqta qýraǵan shópten shyqqan ottyń bulaısha tez taralýyna uıytqı soqqan jeldiń de áseri bolǵan. Órtti óshirýge 4 arnaıy tehnıka men 22 órt sóndirýshi barǵan. Tótenshelikterge aýyl azamattary kómekke kelgen. Kópshilik tús mezgilinde ushtanǵan tilsiz jaýdy jabylyp júrip, saǵat 18:00 shamasynda ázer degende óshirip alǵan. Abyroı bolǵanda, japa shekkender joq. «Qazir tilsiz jaýdyń shyǵý sebebi men ol keltirgen shyǵyn kólemi anyqtalyp jatyr», – deıdi OQO TJD baspasóz ortalyǵyndaǵylar.
Sholýshy: Aqnur MUHTARHAN