Balaǵa at berýge qatysty buryn-sońdy bolmaǵan jaǵdaı Taldyqorǵanda qylań berdi.

Atalǵan qalada turatyn erli-zaıypty Aleksandr Klásko men Quralaı Silámjanqyzy bir jyldan astam ýaqyttan beri kishkentaı qyzyna ózderi qalaǵan famılıany bere almaı júr, dep jazady Qamshy aqparattyq agentti kaz.caravan.kz-ke silteme jasap. 

«Sasha ekeýmiz ýnıversıtette oqyp júrgen kezden birgemiz. Al 2015 jyldyń tamyz aıynda úılendik. Keıin qyzymyz týyldy. Kúıeýim atyn qazaqsha Márıam dep qoıdy. Taldyqorǵan perınataldyq ortalyǵyndaǵy tirkeý jýrnalyna onyń famılıasyn ákesiniń atymen Aleksandrova dep jazdyrǵan edik. Biraq Halyqqa qyzmet kórsetý ortalyǵyndaǵylar sol famılıamen týý týraly kýálik berýden bas tartty. Olardyń aıtýynsha, jergilikti emes ulttan týǵandarǵa tek ákesiniń famılıasy beriledi eken. Iaǵnı qyzymnyń aty-jóni Márıam Klásko ǵana bolýy kerek» deıdi Quralaı.

Zań boıynsha, jańa týylǵan balaǵa týý týraly kýálik alýdy 2 aıdan keshiktirmeý kerek. Áıtpese, aıyppul salynatynyn bilgen erli-zaıyptylar Márıamǵa Klásko degen famılıany berýge májbúr bolǵan. Biraq óz oılarynan áli de aınamyǵan olar bul máseleni endi sot arqyly sheshýdi jón kórip otyr.

Sholýshy: AIGERİM TAÝBAI