Ashyq ǵaryshqa alǵashqy bolyp ushqan ǵaryshker Iýrıı Gagarınniń músini sársenbi kúni Meksıka astanasyndaǵy mýzeıdiń «Jer júzi» («Vselennaıa») zalynda ashyldy, dep jazady Qamshy.kz aqparat agenttigi.

Jergilikti BAQ-tyń málimetinshe, ashylý rásimine Meksıdaǵy Reseı elshisi Edýard Malaıan, Meksıka ǵarysh agenttigi jáne Mehıko qorshaǵan ortany qorǵaý mınıstrliginiń basshylyǵy, sondaı-aq Reseı yntymaqtastyq ókili qatysty. Al «Birikke álem – mádenıetter dıalogi» qorǵa bastamashy boldy.

«Ǵaryshqa alǵash ushqan ushqyshtyń qurmetine qor Mehıko qalasyna bul músindi syıǵa tartady. Atalmysh rásim halyqtardy jaqyndastyratynyna senemiz. Batys jarty sharynda ashylǵan altynshy músin Reseı men Meksıkanyń yntymaqtasyǵyn nyǵaıta túspek», - dedi qor basshysy Rýslan Baıramov.

«Gagarın Reseı úshin ǵana emes, álem boıynsha ańyzǵa aınalǵan tulǵa. Ol adamzat tarıhynda álemniń jańa paraqshasyn ashqan. Sol sebepti músinniń ashylýyna sebep bolǵan meksıkalyqtarǵa alǵysymyzdy bildiremiz», - dedi elshi Malaıan.

Mehıko Qorshaǵan orta mınıstri Taná Múller Garsıa jaratylystaný murajaıynyń 50 jyl boıy halyq úshin tynymsyz jumys istep kele jatqanyn eskerip, bylaı dedi: «Gagarınniń ǵaryshqa sapary 56 jyl buryn oryndalǵan. Dál sol sáttiń ǵylym úshin, jaratylystaný salasy úshin mańyzy zor bolǵany aıqyn. Al búgingi urpaq mańyzdy tarıhı sátterdi bilý úshin bizdiń murajaıǵa jıi kelip turady».