Qamshy.kz aqparat agenttiginiń elektrondy poshtasyna Qydyráli Orazulynan hat keldi. Shetelden atajurtqa qonys aýdarǵan 9 azamat QR Prezıdenti Nursultan Nazarbaevtan, QR İshki ister mınıstri Q.Qasymovtan, QR Syrtqy ister mınıstri Q.Abdrahmanovtan, QR Ulttyq qaýipsizdik komıtetiniń tóraǵasy K. Másimovten, Dúnıejúzi Qazaqtary Qaýymdastyǵy tóraǵasynyń birinshi orynbasary Z.Turysbekovten jáne BAQ-qa kómek surap hat joldapty.

Esterińizge sala keteıik, Tarazdaǵy kóshi-qon polısıasy arqyly qujat rásimdegen qandastar yqtıar hattyń eki jyldan keıin jaramsyz ekenin anyqtaǵan. Endi olar Qazaqstannan deportasıalanýy múmkin. Al Qytaıǵa qaıtyp oralsa, qamaýǵa alynýy múmkin ekenin aıtady.

Qazaqstan Respýblıkasynyń prezıdenti

Nursuldan Ábishuly Nazarbaevqa

QR İshki ister mınıstri Q.Qasymovqa

QR Syrtqy ister mınıstri Q.Ábdirahmanovqa

QR Ulttyq qaýipsizdik komıtetiniń tóraǵasy K. Másimovke

Dúnıejúzi Qazaqtary Qaýymdastyǵy

tóraǵasynyń birinshi orynbasary Z.Turysbekovke

QR buqaralyq aqparat quraldarynyń nazaryna!

                                                             Ashyq hat

Sizderden, Qytaıǵa deportasıalanýy múmkin delingen 250 etnıkalyq qazaq qandastarymyzǵa arasha suraımyz!

Jambyl oblystyq kóshi-qon polısıasy qyzmetkerleriniń bylyqpalyǵy kesirinen, zańdy túrde kerekti qujattaryn rásimdep, osy mekemeden alǵan yqtıar haty jaramsyz dep tanylýyna baılanysty 250 qandasymyz elden ketýge májbúr bolyp otyr.

Eger olar Qytaıǵa deportasıalansa birden túrmege qamalady.

Sondyqtan Sizderden osy qandastarymyzdyń Jambyl oblystyq kóshi-qon qyzmetkerleriniń kesirinen jazyqsyz Qytaıǵa departasıalanýyna jol bermeýlerińizdi suraımyz.

Hatqa qol qoıǵandardyń tizimi qosymsha retinde berildi.