"Talıban" sodyrlary Aýǵanstannyń soltústiginde shalǵaıdaǵy aýylda kepilge alynǵan 235 tutqyndy bosatty. Munda 8 tamyzda 50 beıbit turǵyn óltirilgen, dep habarlaıdy Qamshy.kz aqparat agenttigi centralasian.org saıtyna silteme jasap.
8 tamyzda keshkisin "235 adam, sonyń ishinde balalar men áıelder bosatyldy. Olarǵa aqsaqaldar men provınsıa sheneýnikteri arasha tústi", - dep habarlady provınsıa gýbernatorynyń resmı ókili Zabıýlla Amanı AFP aqparat agenttigine. "Olar Sarı-Pýl qalasyna aman-esen jetkizildi", - dedi Amanı.
Arnaıy qyzmettegi derekkózdiń AFP agenttigine habarlaýynsha, Mırza Olanda shamamen 100 shaqty adamdy kepilde ustap otyr. Bul aýyl ótken demalys kúnderi sodyrlar basyp alǵan Sarı-Pýl aýdanynda ornalasqan.
Jergilikti sheneýnikterdiń málimeti boıynsha, "Talıban" men "Islam memleketi" sodyrlary birlesip jasaǵan shabýyldan bul aýyldyń 50-ge jýyq turǵyny qaza tapty. Sodyrlar men jergilikti úkimet jasaǵy eki táýlik boıy soǵysty. Sodyrlar shamamen 150 otbasyny kepilge alǵan.
Pikir qaldyrý