Astananyń birqatar kósheleri SHYU marafonyn ótkizý kezinde jabylady, dep habarlaıdy Qamshy.kz aqparat agenttigi Astana qalasy ákimdiginiń málimetine súıenip. 27 tamyz saǵat 07.30-dan 13.30-ǵa deıin Astanada SHYU jeńilatletıkalyq marafony ótedi. Sporttyq sharanyń baǵdarlamasy birneshe kezeńnen turady:

–  sımvol retinde 2017 metr, ol óz kezeginde EXPO RUN dep atalady;

–  júgirýdi jaqsy kóretinder úshin -10 shaqyrym;

–  42 shaqyrym 195 metrlik marafon qashyqtyǵy.

Marafonnyń baǵyty elordanyń ýaqytsha jabylatyn negizgi kósheleri boıynsha ótedi: Qabanbaı batyr dańǵyly - Uly dala kóshesi - Máńgilik El dańǵyly - Syǵanaq kóshesi - Sarykól kóshesi - A.Baıtursynov kóshesi- R.Qoshqarbaev dańǵyly - M.Jumabaev kóshesi - B.Momyshuly dańǵyly - Abylaıhan dańǵyly - M.Jumabaev dańǵyly - Qoshqarbaev kóshesi - Táýelsizdik dańǵyly - Saraıshyq kóshesi - Qonaev kóshesi - Dostyq kóshesi - Máńgilik El dańǵyly - Uly Dala kóshesi - Qabanbaı batyr dańǵyly - aqtyq máre.

Qala bıligi elorda turǵyndary men qonaqtaryna qala joldarynda keptelis jaǵdaılaryna tap bolmas úshin júrý marshrýttaryn aldyn ala josparlap alýǵa keńes beredi.

Sondaı-aq turǵyndardy kólik júrgizýshiler arasynda osy aqparatty taratýdy suraıdy.

Marafonǵa kelesi silteme boıynsha tirkelýge bolady: http://www.scomarathon2017.com