Búgin Almaty qalasy ákimdiginde Memlekettik qyzmet isteri jáne sybaılas jemqorlyqqa qarsy is-qımyl agenttiginiń orynbasary Alık Shpekbaevtyń tóraǵalyǵymen memlekettik qyzmetterdi kórsetý sapasyn arttyrý jáne sybaılas jemqorlyqqa qarsy is-qımyl boıynsha kóshpeli vedomstvoaralyq jınalys ótti dep habarlaıdy Qamshy.kz aqparat agenttigi.
Atalmysh is-sharaǵa Memlekettik korporasıanyń «Azamattarǵa arnalǵan úkimet», memlekettik organdardyń basshylary jáne Almaty qalasynyń aktıvi, sybaılas jemqorlyqqa qarsy strategıasynyń júzege asyrýyn baǵalaý jáne syrtqy taldaýǵa arnalǵan arnaıy monıtorıńtik toptyń músheleri, sondaı-aq agenttiktiń aýmaqtyq bólimsheleri jáne vıdeokonferensıa baılanysy arqyly ortalyq memlekettik organdardyń ókilderi qatysty.
Vedomstvoaralyq jınalysqa daıyndyq barysynda Alık Shpekbaev qoǵammen birge eń kóp talap etiletin qyzmetterdi halyqqa kórsetetin kóshi-qon, memlekettik kirister, densaýlyq saqtaý, komýnaldyq qyzmetter salasyndaǵy birqatar uıymdardy, sonymen qatar ár aýdandarda ornalasqan Halyqqa qyzmet kórsetý ortalyqtaryn tekserip, mekemelerdiń jaǵdaıyna, qyzmet kórsetý sapasyna sholý jasady. Atalǵan mekeme oryndaryna barǵan kezde halyqqa qyzmet kórsetý sapasynyń óte tómen ekendigi baıqaldy. Sonymen qatar joǵarydaǵy obektilerde azamattar men qyzmet kórsetilýi tıis adamdardy kútýge eshqandaı da jaǵdaı jasalmaǵandyǵy jáne de memlekettik qyzmet kórsetý sapasynyń tym tómen ekendigi jaıly jaýapty tulǵalardyń shaǵymdary tyńdaldy.
İs-sharada jergilikti atqarýshy organdar men kórsetiletin memlekettik qyzmetter ǵana emes, tabıǵı monopolıa salasyndaǵy uıymdardyń da máseleleri belgilenip, sonymen qatar ákimshilik kedergilerdi joıý, búrokratıalyq tártipterdi, sybaılas jemqorlyqtyń aldyn alý jáne memlekettik qyzmetterdi alý joldaryn jeńildetý boıynsha naqty usynystar jasaldy.
Agenttiktiń Almaty qalasy boıynsha basshysy A.Baıhanova Astana qalasynyń arnaıy Halyqqa qyzmet kórsetý ortalyǵynyń tájirıbesi boıynsha ishki bıznes-prosesterdi qaıta qaraýǵa qatysty júrgizilgen jumystyń aralyq qorytyndylaryn jasap, kezek kútý ýaqytynyń qysqartylýyna jáne qyzmetti alýshylarǵa qyzmet kórsetý jumysyna yqpal etken jaǵymdy faktorlardy atap ótti.
Sonymen qatar, A.Baıhanova halyqqa qyzmet kórsetý ortalyqtarynda komýnaldy qyzmetti de kórsetip, atalǵan sala boıynsha biryńǵaı standartty qyzmet kórsetý júıesin engizýdi usyndy.
Sebebi turǵyndar sý-gaz jáne elektroenergıa salalarynda qyzmet alý úshin qalanyń ár bóliginde ornalasqan túrli memlekettik mekemelerge baryp, kabınetter men ár qabattarda birneshe ret júgirip ótinish berýge májbúr. Joǵarydaǵy usynys osy jaǵdaıdyń saldarynan týyndap otyr.
Sonymen qatar, Almaty qalasynda memlekettik qyzmet kórsetetin jergilikti atqarýshy memlekettik organdardyń jumysyn uıymdastyrý isin qaıta qarap, ishki bıznes-prosesterdi ońtaılandyrý jáne avtomattandyrý usynyldy.
Qoǵamdyq múshe ókilderi óz kezeginde, memlekettik qyzmetter kórsetýdi ortalyq jáne jergilikti atqarýshy memlekettik organdardan «100 naqty qadam. Ult josparyn» oryndaý maqsatynda halyqqa qyzmetterdiń sapaly ári kásibı kórsetilýi úshin qurylǵan «Azamattarǵa arnalǵan úkimet» Memlekettik korporasıasyna berilý qajet ekendigin atap ótti.
Alık Shpekbaev atap ótkendeı, qazirgi tańda memlekettik qyzmet kórsetý sapasy memlekettik apparattyń tolyqtaı kórinisi bolyp otyr. «Sol sebepti de biz memlekettik qyzmetterdi kórsetý jumysynyń sapasyn kóterý maqsatynda úlken jáne júıeli jumys bastadyq. Bul jumys bir rettik sıpatta ǵana emes. Árqashan ári júıeli túrde júrgiziletin bolady. Bular bıznes prosesterdi jetildirý jáne turǵyndardyń memlekettik qyzmetterdi alý kezinde yńǵaıly jaǵdaılar týdyrýǵa ǵana emes, memlekettik qyzmet kórsetýde mádenıetti qalyptastyryp, atalǵan salada turmystyq sybaılas jemqorlyqtyń týyndaýyn joıady», – dep atap ótti Alık Shpekbaev.
