Qazaqstandyq tarapty QR Premer-mınıstriniń birinshi orynbasary A. Mamın, Belarýs tarapyn – BR Premer-mınıstriniń birinshi orynbasary V. Matúshevskıı basqardy.
ÚAK otyrysy barysynda saýda, ınvestısıalar, ónerkásip kooperasıasy, aýyl sharýashylyǵy, ǵylym jáne tehnologıalar, kólik jáne logıstıka salalaryndaǵy ekijaqty yntymaqtastyqty damytý máseleleri talqylandy.
Asqar Mamın Qazaqstan men Belarýstiń Eýrazıalyq ekonomıkalyq odaqtaǵy, postkeńestik keńistiktegi ıntegrasıalyq birlestikterge qatysýy sekildi barlyq deńgeıdegi memleketaralyq baılanystarynyń tabysty júrgizilip kele jatqandyǵyn atap ótti.
Taraptar alǵashqy jeti aıdyń qorytyndysy boıynsha Qazaqstan men Belarýs arasyndaǵy saýda aınalymynyń artqandyǵyn erekshe atap ótti. Máselen, 2017 jylǵy qańtar-shilde aralyǵyndaǵy saýda aınalymy $313,7 mln. qurap, ótken jyldyń sáıkes merzimimen salystyrǵanda 75,6% óskendigi baıqaldy.
«2020 jyldarǵa qaraı eki el arasyndaǵy saýda aınalymyn 1 mlrd. AQSH dollaryna jetkizýimiz kerek», — dep atap ótti A. Mamın.
ÚAK qazaqstandyq tarabynyń teńtóraǵasy A. Mamınniń aıtýynsha, Qazaqstan men Belarýs memleketteriniń ónerkásip kooperasıasy, kólik-logıstıkalyq sektorda, ǵarysh salasynda, agroónerkásip kesheninde, mádenı- gýmanıtarlyq jáne ǵylymı-tehnıkalyq salalarda birlesken jobalardy tabysty júzege asyrýǵa áleýeti jetkilikti.
Taraptar Qazaqstan men Belarýs arasyndaǵy kólik-logıstıkalyq ınfraqurylymdy damytý men shyǵaratyn ónimderdiń túrlerin kóbeıtip, aýdandastyrýdaǵy eki jaqqa da tıimdi yntymaqtastyqty odan ári jalǵastyrýǵa yqylas tanytty.
«Sońǵy jyldary óńiraralyq yntymaqtastyqta turaqty qarqyn baıqalady», — deı kelip V. Matúshevskıı «búgingi tańda Belarýsta qazaqstandyq ınvestısıalardyń qatysýymen 100-den astam kásiporyn qyzmet etetinin, Belarýs taraby ınvestısıalyq jobalar men ózara tıimdi ınvestısıalardy odan ári júzege asyrýǵa jan-jaqty qoldaý kórsetýge ázir ekenin jetkizdi.
Taraptar mal jáne ósimdik sharýashylyǵy, melıorasıa jáne jerdi sýlandyrý sekildi salalarda birlesken jobalardy júzege asyrý úshin, yntymaqtastyqtyń keleshekti baǵyttary boıynsha birlesken jumys tobyn qurý múmkindigin qarastyrdy.
Budan ózge, qazaqstandyq kompanıalardyń aýyl sharýashylyǵy ónimderin Belarýsqa, al Belarýs ónimderin Qazaqstanǵa jetkizý máseleleri talqylandy.
Bıyl qarashada Qazaqstannyń Syrtqy saýda palatasy men Belarýs Saýda-ónerkásiptik palatasy arasynda Qazaqstan-Belarýs İskerlik keńesin qurý jónindegi kelisimge qol qoıý josparlanyp otyr.
Saýda-ekonomıkalyq yntymaqtastyq jónindegi Qazaqstan-Belarýs úkimetaralyq komısıasynyń 13-otyrysynyń qorytyndysy boıynsha tıisti Hattamaǵa qol qoıyldy.
QR Premer-mınıstriniń birinshi orynbasary A. Mamın Qaraǵandy oblysyna sapary barysynda «Ońtústik — Soltústik» avtokólik dáliziniń Qaraǵandy – Temirtaý telimindegi qurylys barysyna tekserý júrgizip, qurylys basynda kóshpeli keńes ótkizdi. Atalmysh joba «Nurly jol» baǵdarlamasy aıasynda júzege asyrylyp jatyr. 14 shaqyrymdyq avtojolda joldyń ústińgi jabyndysy tóselip, kóliktik jol aıyryqtarynyń qurylysy júrgizilýde. Qurylys nysanyn 2018 jyly paıdalanýǵa berý josparlanyp otyr.
«Qazirgi tańda jol qurylysyn júrgizýshilerdiń aldyndaǵy basty mindet – jergilikti turǵyndardyń qatynaýyna qıyndyq týǵyzbaı, jol telimin jańǵyrtý jumystaryn der kezinde ári sapaly etip tapsyrýdy qamtamasyz etý», — dep atap ótti A. Mamın.
A. Mamın óńirge sapary barysynda «QazBelAZ» BK, taý-ken baıytý jabdyqtaryn shyǵaratyn kásiporyn, avtokólik quraldaryn kádege jaratý kesheni, jobalyq qýattylyǵy jylyna 4 mln. ıneksıalyq preparattar qorabyn shyǵaratyn farmasevtıkalyq kásiporynda bolyp, olardyń jumystarymen tanysty.
