Taldyqorǵan qalasynda Astana men Almaty qalalary jáne respýblıkanyń qalǵan 13 óńirinen kelgen barlyǵy 30 jas kásipkerdiń qatysýymen jastar bıznes-taǵylymdamalary jobasy ótti, dep habarlaıdy Qamshy.kz aqparat agenttigi.
Qatysýshylar 5 kún ishinde Asqat Abjanov, Asqar Áskerov, Svetlana Drýz, Aslan Esjanuly sıaqty tabysty kásipkerler ótkizgen trenıńterge qatysty. Sondaı-aq, qatysýshylar Elbasynyń «Rýhanı Jańǵyrý» baǵdarlamasyndaǵy mańyzdy ıdeıalardyń biri sana jańǵyrtýyna baılanysty taqyryptarǵa sholý jasap, ınovasıalyq tehnologıalar, kraýdfandıng, kópshilik aldynda sóıleý óneri sıaqty trenıńterge qatysty.
Taǵylymdamadan ótý baǵdarlamasy, sonymen birge aldyńǵy qatarly shaǵyn jáne orta bıznes kásiporyndaryna baryp, tájirıbe jınaqtaýdy kózdeıdi. Delegattar múmkindigi shekteýli jastarǵa arnalǵan «Asar» fıtnes klýbynda, «Túrskıı dvorık» demalys bazasynda, «Qaınar-AKB» akýmýlátor zaýytynda, «Arlen» bala-baqshasynda, «TANDOOR» kafesinde jáne t.b. kásiporyndarda boldy. Sondaı-aq, olar QR Almaty oblysynyń «Atameken» Ulttyq kásipkerler palatasyna baryp, Shaǵyn jáne orta bıznesti qoldaý baǵytyndaǵy memlekettiń jasap jatqan sharalarymen tanysýǵa múmkindik aldy. Taǵylymdamanyń jabylý saltanatynda barlyq qatysýshylarǵa jobaǵabelsendi qatysqany úshin sertıfıkattar tabystaldy.
«Elbasymyz N.Á.Nazarbaev «Bolashaqqa baǵdar: Rýhanı jańǵyrý» maqalasynda aıtqandaı, sananyń ashyqtyǵy – ol jańa tehnologıanyń aǵyny alyp keletin ózgeristerdiń bárine daıyn bolý degen sóz. Taıaýdaǵy on jylda bizdiń ómir saltymyz: jumys, turmys, demalys, baspana, adamı qatynas tásilderi, qysqasy, barlyǵy túbegeıli ózgeredi. Biz buǵan da daıyn bolýymyz kerek. Jastar kásipkerligine qoldaý kórsetý maqsatynda Qazaqstan jastarynyń kongresi jáne QR din isteri jáne azamattyq qoǵam mınıstrligi jyl saıyn jastar bıznes-taǵylymdamalaryn ótkizip keledi. Bul joba jastardyń óz isterin ashýǵa, bolýy múmkin táýekelderdi esepteýge jáne basqa da kásipkerlermen tájirıbe almasýǵa múmkindik beredi. 2016 jyldan beri búgingi kúnge deıin jalpy sany 90-nan astam jastarymyz taǵyǵylymdamadan sátti ótti. Jobany júzege asyrý úshin qol ushyn sozǵan barlyq seriktesterimizge alǵys bildiremin», dep atap ótti «Qazaqstan jastarynyń kongresi» ZTB-niń atqarýshy dırektory Sábıtov Aıdyn Maratuly.
Taǵylymdamany ótkizýdegi basty maqsat – jastardyń ınovasıalyq jáne kásipkerlik áleýetin arttyrýǵa járdemdesý, sondaı-aq, Shaǵyn jáne orta bızne kásiporyndarynyń jumysymen tikeleı tanystyrý arqyly jas kásipkerlerdiń biliktiligin arttyrý bolyp tabylady.
Jobanyń eń jas qatysýshylarynyń biri - Almatylyq Muhıt Asqaruly óziniń alǵan áserimen bólisti.
«Meniń jasym 19-da. Men «Qazaqstanwatches» ınternet-dúkeniniń jetekshisimin, ǵalamtor jáne áleýmettik jeliler arqyly qol saǵattaryn satýmen aınalysamyn. Jastar bıznes-taǵylymdamalary jobasynan bıznestegi basty maqsatyma jetý jolynda keńester, kásibı konsýltasıa jáne óz kásibimdi damytýǵa arnalǵan aqparatqa keńinen qanyq boldym. Uıymdastyrýshylarǵa óte rızamyn»-dep qýanyshyn bildirdi Muhıt Asqaruly.
Jastar kásipkerliginiń damýy zamanaýı kezeńde halyq arasyndaǵy eńbekpen qamtý kórsetkishteriniń joǵarylaýyna jáne bilikti qyzmetkerler daıyndaýǵa ǵana emes, elimizdiń ınovasıalyq damý jolyna tezirek ótýine jol ashýy qajet.
Memlekettiń ekonomıkalyq turaqtylyǵynyń negizgi tiregin bıznes salasy quraıdy. Al, jastarǵa osy bıznestiń qyr-syryn oqytyp, túsindirý arqyly olardyń kásibı quzyrettiligin arttyrýǵa bolady.
