30 qyrkúıek pen 1 qazanda "Almaty týry-2017" velododasyn ótkizýge baılanysty megapolıstiń birneshe kóshesi jabylady, - dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasap.

Almatyda Ortalyq Azıadaǵy eń iri kásipqoı velojarystardyń biri ótedi, oǵan Qazaqstannan, Fransıadan, Ázirbaıjannan, Irannan, Malaızıadan, Ózbekstannan, Qytaıdan, Latvıadan, Ýkraınadan, Japonıadan, Italıadan, AQSH-tan, Shveısarıadan, Germanıadan jáne Ulybrıtanıadan sportshylar qatysady. Barlyǵy 20-dan asa komanda. 

"Almaty týry" tuńǵysh ret kópkúndik jarys formatynda eki kezeń boıynsha 30 qyrkúıekte jáne 1 qazanda ótedi. 

30 qyrkúıekte jabylatyn joldar: 

• 9.00-10.40 - qalalyq aınalym (Tóle bı kóshesinen Fýrmanov kóshesine deıin, Fýrmanovpen Sátbaev kóshesine deıin, Sátbaev kóshesinen Baızaqov kóshesine deıin, sosyn Baızaqovtan Abaı dańǵylyna deıin, Abaı dańǵylynan Jeltoqsan kóshesine deıin, Jeltoqsan kóshesinen Tóle bı kóshesine deıin);

• 10.40-11.00 - Shyǵys aınalma avtomobıl joly - Indýstrıaldyq aımaq (Tóle bı kóshesimen Shyǵys aınalma avtomobıl jolyna deıin, Shyǵys aınalma avtomobıl jolynan ál-Farabı dańǵyly arqyly Indýstrıaldyq aımaqqa deıin); 

• 11.00-14.30 - Indýstrıaldyq aımaq;

• 13.30-14.30 - "Almaty Arenaǵa" Momyshuly kóshesimen jáne márege "Almaty Arena" ishki terıtorıasy arqyly.

1 qazanda jabylatyn joldar:  

• 09.45-10.05 - Talǵar tasjoly "Halyq Arenadan jarys bastalǵanǵa deıin;

• 10.00-14.00 - Shyǵys aınalma avtomobıl jolymen aınalyp, Tuńǵysh Prezıdent Saıabaǵyna deıin;

• 12.40-14.40 - Dostyq dańǵylymen joǵary qaraı "Medeý" muz aıdynyna deıin.

"Qalany, marshrýtty, logıstıkany jáne qatysýshylardyń qozǵalys syzbasyn zerttegennen keıin, sondaı-aq, sharaǵa daıyndyqty kórgennen keıin mundaı sport jobasynyń Ortalyq Azıada teńdesi joq ekenin senimmen aıta alamyn", - dep atap ótti "Almaty týry" tehnıkalyq delegaty Per Hatsebaýt.

28 qyrkúıekte Panfılov kóshesiniń boıyndaǵy "Almaty" qonaqúıiniń mańynda áýesqoı jarystar ótedi, onda kez kelgen adam qatysa alady. Baǵyt pen shabyt berý úshin áýesqoılarmen Astana Pro Team juldyzdary qatarlasyp jarysady. Sonymen qatar, olarmen áńgimelesip, qoltańba alýǵa bolady. Al 29 qyrkúıekte qatysýshy komandalardyń resmı tanystyrylymy jáne velojarys qatysýshylarynyń jattyǵýy ótedi. 

"Dál osy besinshi, mereıtoılyq jarystyń statýsy óskeni sımvoldyq mánge ıe dep esepteımin. Velosıped mádenıeti qarqyndy damyǵan Almaty sıaqty qalaǵa aıryqsha mándi", - dep atap ótti Qazaqstan velosport federasıasynyń vıse-prezıdenti Amanbek Qulshyqov.

Aıta keteıik, jarys translásıasy Eurosport telearnasynda tikeleı efırde kórsetiledi.