Zańdy, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń otyrysynda Atyraý oblysynyń prokýrory Ernat Sybanqulov jolaýshy quqyqtarynyń jıi buzylatyndyǵy týraly sóz qozǵady dep habarlaıdy Qamshy.kz aqparat agenttigi. Onyń ishinde jeńildik berilgen tulǵalardan jol aqysyn talap etip, tipti mektep oqýshysyn avtobýstan shyǵaryp jibergen jaǵdaılar bolǵany aıtyldy.  

Jılgorodok móltek aýdanynda №6 avtobýs qyzmetkeri mektep oqýshysynan (onyń tegin júrýge jeńildigi bolǵanyna qaramastan) jol aqysyn talap etken. Osy jaǵdaıdan keıin №6 avtobýs qyzmetkerimen kompanıa arasyndaǵy kelisim shartty buzý týraly sheshim qabyldandy.   

Úılestirý keńesiniń nátıjesinde, ýákiletti organdarǵa zańnyń buzylýyna jol bergen jolaýshylar tasymalyn júzege asyrýshy mekemelerge qatań jaza qoldaný usynyldy.

Barlyq jolaýshy tasymalyn júzege asyrýshy mekemelerge kórsetilgen zań buzýshylyqtarǵa jol bermeý kerek ekeni jáne onyń saldary aıtyldy.