Ótken jyly elimizge 2016 jyly 16 myń 417 otbasy nemese 33 myń 754 etnıkalyq qazaq tarıhı Otanyna qaıta oralyp, oralman mártebesin aldy dep habarlaıdy Qamshy.kz aqparat agenttigi QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap. Vedomstvo málimetinshe, bul 2015 jylmen salystyrǵanda 8 esege kóp.
Bul týraly Úkimet otyrysynda QR Eńbek jáne halyqty áleýmettik qorǵaý mınıstri Tamara Dúısenova kóshi-qon saıasatynyń jańa tujyrymdama jobasyn tanystyrý barysynda baıandady.
Jobada memleket basshysynyń Dúnıejúzi qazaqtarynyń besinshi quryltaıynda mınıstrlikke bergen tapsyrmalary qarastyrylǵan. Oǵan sáıkes, etnıkalyq qazaqtardy tek kóshirip alý máselesin ǵana emes, sonymen birge olardyń áleýetin turǵylyqty jerinde qaldyra otyryp paıdalaný múmkindigi usynylady.
Aıta ketsek, Qazaqstanǵa kelgen oralmandardyń kópshiligi, ıaǵnı, 65,5% - Ózbekstannan kelgen. Sondaı-aq, 24,9% - Qytaıdan, 3,2% - Túrikmenstannan, 2,7% - Mońǵolıadan, 3,7% - ózge elderden oralǵan qandastarymyz.
Olardyń basym bóligi, ıaǵnı 33,9% - Ońtústik Qazaqstan oblysyna, 25,4% - Almaty oblysyna, 10,6% - Mańǵystaý oblysyna, 5,8% - Jambyl oblysyna, 24,3% - elimizdiń ózge óńirlerine qonystandy.
Elge oralǵan qandastarymyzdyń 65,4% - eńbekke qabiletti jasta bolsa, 16 jasqa deıingileri – 28,6%, zeınetkerler - 6% quraıdy.
Eńbekke jaramdy etnıkalyq qazaqtardyń 10,8%-nyń joǵarǵy bilimi bar bolsa, 20,3%-ynda orta arnaýly bilim bar, 65% - jalpy orta bilimi bar azamattar, al 3,9%-nyń bilimi joq.
"Búginde elge oralǵan qandastardy Atajurtqa utymdy qonystandyrý maqsatynda olardy qosymsha eńbek resýrstaryn qajet etetin aımaqtarǵa joldaý sharalary qabyldanýda. Iaǵnı, shet elde turyp jatqan etnıkalyq qazaqtardy, onyń ishinde bilikti mamandar men jetistikke jetken adamdardy tartý úshin jeke elektrondyq derekqor jasaý qarastyrylyp otyr. Sondaı-aq etnıkalyq qazaqtarǵa ýaqytsha eńbekpen qamtý úshin, jumys berýshilerge ruqsatty jeńildetilgen tártippen tegin berilýde. Osyǵan oraı Jumyspen qamtý ortalyqtarynyń fýnksıonalyn keńeıtý usynylyp otyr. Atalǵan ortalyqtar oralmandarmen de, ishki qonys aýdarýshylarmen de "bir tereze" qaǵıdatymen jumys isteıtin bolady", - dedi mınıstrliktegiler.
Eske sala keteıik, ótken jyly etnıkalyq qazaqtardyń qaıta oralýyna kedergi keltiretin birneshe problemalar ótken jyly qabyldanǵan Zań aıasynda óz sheshimin tapqan bolatyn. Dálirek aıtsaq, búginde etnıkalyq qazaqtarǵa oralman mártebesi, qonystaný aımaǵyna qaramastan, 1 jyl merzimge berilýde. Sonymen qatar, olardyń QR azamattyǵyn alý merzimi tórt jyldan bir jylǵa deıin qysqartylyp, turaqty turýǵa ruqsat alǵannan keıin birden azamattyqqa qujattaryn tapsyrý múmkindigi qarastyrylady.
Pikir qaldyrý