Pákistannyń burynǵy premer-mınıstri, jemqorlyq boıynsha aıyptalǵan Navaz Sharıf 26 qyrkúıekte sotqa tartyldy.  28 shildede qarjylyq aktıvterin tergeý barysynda Joǵarǵy sottyń sheshimimen Sharıf premer laýazymynan bosatylǵan. Sodan beri búgin birinshi ret sot aldyna kedi, dep jazady Qamshy.kz aqparat agenttigi.

Sotqa bir kún qalǵanda Sharıf Londonnan kelgen. Ol jerde áıelin emdetkeni anyqtaldy. Sot zalyna kirgen boıda eks-premerdiń jaqtaýshylary qoshemet kóretip, urandata jóneldi.

Sot Sharıftiń uldary jáne qyzy men kúıeý balasyn aptanyń aıaǵyna deıin sot aldyna kelýge buıyrdy.

Pákistan antıkorrýpsıalyq ákimshiliginiń aryzy boıynsha 2 qazanda Sharıfke úsh jemqorlyq is boıynsha aıyp taǵylady dep kútilýde.

Úsh ret premer-mınıstr bolǵan Sharıfke, sondaı-aq onyń úsh balasyna qatysty aıyptaýlar eks-premerdiń  1990 jyldary bılikte bolǵan kezimen baılanysty.