Qazaqstan men Reseı prezıdentteri Nursultan Nazarbaev pen Vladımır Pýtın ótken jylǵy kezdesýi kezinde qol qoıǵan kelisimge sáıkes 26 qyrkúıek kúni «Astana-Oral» jáne «Almaty-Oral» baǵytyndaǵy alǵashqy «Tulpar-Talgo» júrdek jolaýshylar poıyzy jolǵa shyǵady, dep habarlaıdy Qamshy.kz aqparat agenttigi BQO ákimdiginiń resmı paraqshasyna silteme jasap.

«Astana-Oral» baǵytyndaǵy poıyz «Astana-Nurly-jol» beketinen 26 qyrkúıek kúni saǵat 11.33-te (Astana ýaqyty) shyǵyp, Oral qalasynyń temirjol beketine 27 qyrkúıek kúni saǵat 11.42-de (jergilikti ýaqyt) kelip toqtaıdy. Al «Almaty-Oral» baǵytyndaǵy poıyz «Almaty-2» beketinen 26 qyrkúıek kúni saǵat 20.17-de (Astana ýaqyty) qozǵalyp, Oral qalasynyń temirjol beketine 28 qyrkúıek kúni 09.37-de (jergilikti ýaqyt) toqtaıdy.

«Oral-Astana» baǵytyndaǵy poıyzdyń júrý uzaqtyǵy 26 saǵat 14 mınýtty qurap, 14 saǵat 33 mınýtqa qysqarady. Al «Oral-Almaty» baǵytyndaǵy poıyzdyń júrý uzaqtyǵy 37 saǵat 11 mınýtty qurap, 22 saǵat 29 mınýtqa qysqarady.

«Saratov-Almaty» baǵytyndaǵy poıyzdyń júrý uzaqtyǵy 40 saǵat 47 mınýtty qurap, 10 saǵat 9 mınýtqa qysqarady.

«Oral-Astana» baǵytyndaǵy poıyz taq kúnderi, «Oral-Almaty» baǵytyndaǵy poıyz jup kúnderi júredi. Jolaýshylar bıletiniń baǵasy: «Oral-Astana» - 9 102 teńge (kýpe), 17 623 teńge (lúks), «Oral-Almaty» - 16 232 teńge (kýpe).

Ár poıyz 27 vagonnan turady. Onyń 22-si - jolaýshylar, ekeýi - meıramhana, úsheýi - qyzmet vagony. 

Aıta ketý kerek, jolaýshylar tasymalynyń tıimdiligin arttyrý  maqsatynda Reseı men Qazaqstannyń memlekettik shekaralarynan ótý kezindegi tekserister alyp tastaldy.