Krasnodarda erli-zaıypty Dmıtrıı men Natalá Baksheevter adam óltirdi jáne etin azyqqa paıdalandy degen kúdikke ilindi. "Krasnodarlyq adamjegishterge" qatysty qylmystyq isti tergeý barysynda adamshoshyrlyq derekter shyǵyp otyr dep jazady tengrinews.kz.

Reseılik BAQ-tarǵa sensek, erli-zaıypty osy ýaqytqa deıin 30 adamdy óltirip, máıitin jep qoıǵan. Alaıda polıseıler Kemerov oblysynyń azamatshasyn óltirý jáne denesin bólshekteý deregin ǵana anyqtaǵan. Adamjegishter jaıly quqyq qorǵaý organdary kezdeısoq bilip qalǵan - kúdiktiler sumdyq isteriniń sýretteri bar uıaly telefonyn joǵaltyp alǵan.  Adamjegish erli-zaıyptynyń qurbany - Kemerov oblysynyń turǵyny. 

"Bloknota-Krasnodar" redaksıasy erli-zaıyptynyń qandaı turmys keshkenin anyqtapty. Baksheevter otbasynyń kórshileri olardyń kisi óltirip, adam etin azyqqa paıdalanǵany týraly úsh uıyqtasa oıyna kelmeıtin, qarapaıym turmysy bolǵanyn aıtyp otyr. 

"Ol jaqta az ǵana turdym, olardy birneshe ret qana kórdim. Boıynan alabóten oı baıqamadym. Qarapaıym adamdar, - deıdi kórshisi. - Muny kórgende ózim eseńgirep qaldym. Ótken jyldyń kúzinde bir aıdaı ǵana turdym. Eshkimmen baılanysqa da túspegenmin. Budan basqa aıtarym joq".

Taǵy bir kórshisi "adam jeıtin" turǵyn jaıly bylaı deıdi: Syrttaı óte salmaqty adam, onyń osyndaı sumdyqqa baratyny týraly oı kelmeıdi. Birtúrli kúletin. Eshkimmen sóılespeıtin. Bir kezde menen kilt suraǵan. Oǵan bir prorab keletin, basqa eshkimdi kórmedim. Syrttaı ózimiz sıaqty qarapaıym adam".

"Jıvaıa Kýban" basylymy adam jedi degen kúdikke ilingen er adamnyń asyrandy otbasyda óskenin anyqtapty. Dmıtrııdiń ata-anasy Sibirde tanysqan. Emshektegi sábı kezinde ony balasyz otbasy asyrap alǵan. Sosyn olar Kýbanǵa kelgen. 

10 jyldan keıin Dmıtrııdiń qaryndasy dúnıege kelipti. Kórshileriniń aıtýynsha, bala qaryndasyn jaqsy kórgen, kóp oınaıtyn. Dmıtrıı jasóspirim kezinde anasy qaterli isikten qaıtys bolǵan. Onyń qazasynan keıin ákesi balasyna asyrandy ekenin moıyndaǵan. Asyrap alý týraly oıdy qaıtys bolǵan sheshesi bastaǵanyn, al endigide ózine bala qajet emes ekenin aıtqan. Sóıtip, Dmıtrıı ákesiniń páterinen kóship ketken.

18-ge tolǵan Dmıtrıı Natalámen úılenip, onyń úıine kirip alǵan. Kórshileriniń aıtýynsha, bala óte momyn, kózge kórinbeıtin bolǵan, biraq eshkim odan kúdiktenbeıtin. Ákesiniń úıinen ketip qalǵannan keıin ol kózden tasa bolypty. 

Jýrnalıser onyń áıeliniń ómirinen de derekter keltirip otyr. Ustalǵannan keıin Natalá birden klınıkaǵa zertteýge jatqyzylypty, alaıda psıhıkalyq aýytqýy bolmaǵan. Áıeldiń tek tys jaǵdaılarǵa kútpegen áseri bolǵan, onyń jaǵdaıyn "reaktıvti" dep baǵalapty.  

Áleýmettik jelilerde Natalá Baksheevaǵa tıesili birneshe akkaýnt tabylǵan, onda áıel basqa famılıamen jazylǵan. Árbir paraqshada onyń jáne úı janýarlarynyń sýretteri bolǵan. Akkaýnttardyń birinde áıeldiń Armavır medısınalyq ýchılıshesinde oqyǵany jazylǵan.

Birge oqyǵan qurbylary ony kóńil kúıi árdaıym kóterińki, ashyq qyz bolǵanyn aıtady. "Ómirine qýanyp, jaqsy oqyǵan. Birge kóp jyldardy ótkerdik... Bul ómirde kórmegen azaby joq", - dep eske alady Natalányń qurbysy.

Birneshe jyl buryn áıel jazǵy ýchılısheniń sanıtarlyq bóliminde medbıke bolyp qyzmet etipti. "Kóp ishken, alaıda tamasha maman, jaýapty, sosyn alkogól túbine jetti", - dep áńgimeledi "Moskovskıı komsomoles" basylymyna burynǵy qyzmettesi.  Natalá Baksheeva.

Gazettiń málimetinshe, áıel "krasnodarlyq kannıbalmen" alty-jeti jyl buryn, ekinshi kúıeýi qaıtys bolǵanda tanysqan. 

Mash portalynyń málimetinshe, kúdiktilerdiń eresek uly bar. Er adam 12 jasynan beri otbasymen birge ómir súrmeıtinin, olardyń araqqa salynǵanynan keıin atasy men ájesiniń qolynda turyp kelgeni aıtty.  Krasnodarlyq kannıbaldardyń páterinen tabylǵan zat.

Al RT telearnasy Baksheevterdiń Krasnodardaǵy jataqhanasynan vıdeo jarıalady. Vıdeodan úıdiń astań-kesteńi shyqqanyn baıqaýǵa bolady.