Qazaqstan Syrtqy ister mınıstrligi Túrkıada jol apatynan zardap shekken qazaqstandyqtarǵa qatysty pikir bildirdi, dep jazady Qamshy.kz aqparat agenttigi.

QR SİM baspasóz qyzmetiniń málimetine súıensek, Almaty men Taldyqorǵannan barǵan qazaqstandyq 7 týrıs Túrkıanyń Kemer qalasynda jol apatyna tústi. Sonyń saldarynan Túrkıanyń 4 azamaty qaza tapty. Qazaqstandyq týrıser aman, alaıda birneshe jaraqat alǵan. Oqıǵa 21 qyrkúıekte bolǵan.

«Qazaqstannyń Antalıadaǵy elishiligi bizdiń azamattarmen árdaıym baılanysta, aýrýhanaǵa baryp turady. Jeti dos Antalıaǵa ózderi barǵan, ókinishke qaraı, saqtandyrý polısi bolmaǵan. Sondyqtan jol apatynan keıin otanyń jáne medısınalyq qyzmetterdiń aqysy boıynsha qıyndyqtar týdy. Alaıda bizdiń dıplomat túrik tarapymen bes azamattyń medısınalyq shyǵyndaryn qaza bolǵan taksı júrgizýshisiniń saqtandyrý kompanıasyna tóletýge qol jetkizdi. Qalǵan eki azamattyń ota aqysy boıynsha máselesi sheshilip jatyr», – dedi QR SİM baspasóz qyzmetiniń jetekshisi Ánýar Jaınaqov.

Jaınaqovtyń aıtýynsha, qazir jaraqat alǵandardyń jaǵdaılary turaqty. Ekeýiniń jambas býyny synǵan, bir qyz bastan qatty soqqy alǵan, úsheýi de ózdiginen qozǵala almaıdy. Olardy Qazaqstanǵa tasymaldaýdy uıymdastyrý máseleleri sheshilip jatyr.