Jambyl oblysynda sottalǵan pedofılderdiń 88 paıyzy balalardyń týysy bolyp shyqty, - dep habarlaıdy Qamshy.kz aqparat agenttigi Jambyl oblystyq prokýratýrasynyń baspasóz qyzmetine silteme jasap.
Jasalǵan taldaýdyń nátıjesi, prokýrorlardyń aıtýynsha, máz emes. "Osy jyly oblysymyzdaǵy sottalǵan 18 pedafıldiń 3-ýi týǵan ákeleri bolsa, 1-ýi ógeı áke, 3-ýi nemere aǵalary, 6-y kórshileri jáne tanystary, tek qana 2 pedafıl ǵana qylmysqa deıin ózderiniń qurbandaryn tanymaǵandar", - dep habarlady vedomstvo ókilderi.
Osy sebepti bıylǵy 27 qyrkúıekte jastar arasyndaǵy qylmysty boldyrmaýǵa baǵyttalǵan quzyrly organdarmen jáne ata-analar komıtetimen birlese otyryp bul máseleniń aldyń alý sharalaryn talqylaý úshin dóngelek ústel ótkizilgen. Shara barysynda oblys prokýratýra ókilderiniń tarapynan ata-analar komıtetiniń ókilderine mundaı qylmystyq áreketterdiń aldyn-alý úshin qandaı sharalar qoldaný kerektigi túsindirildi.
Oǵan qosa, atqarylǵan jumyspen ózekti máseleler talqylandy.
"Bas prokýratýranyń "Balalardy birge qorǵaıyq!" atty baǵdarlamasy aıasynda jańa oqý jylynda prokýratýra organdary janynan 83 mobıldik toptar qurylyp, barlyq 451 mektepke bekitildi. Quzyrly jáne múddeli mekemelermen birlese sońǵy 1,5 (bir jarym) jyl ishinde 9 myńnan asa profılaktıkalyq sharalar ótkizildi. Oblystyń 800 myńǵa jýyq halqy arasynda aqparattyq-túsindirý jumystary júrgizilip, barlyq ımamdar men moldalarǵa kámeletke tolmaǵandardyń nekesin qıý týraly zań talaptary túsindirildi, 237 "qıyn" balalar sportqa tartylyp, 43 bosanǵan qyzdardyń tizimi polısıa organdaryna joldanyp, olar boıynsha prosesýaldyq sheshimder qabyldandy. Jergilikti búdjet esebinen 300-den asa mektepke beıne baqylaý qondyrǵylary ornatyldy", - dep habarlady oblys prokýrorynyń orynbasary Aıdos Maılybaev.
Nátıjesinde 8 aıdyń qortyndysymen jasóspirimdermen jasalynǵan qylmystar sany 11 paıyzǵa jýyq azaısa, olarǵa qarsy jasalǵan jalpy qylmys sany 39 paıyzǵa tómendegeni aıtylady.
