Vanýatýda Manaro janartaýynyń belsendiligi arta bastady. Sonyń saldarynan mundaǵy Amba araly turǵyndarynyń jartysynan astamy ýaqytsha ortalyqtarǵa kóshirilgen. Bul týraly Qamshy.kz aqparat agenttigi sheteldik BAQ málimetine súıenip habarlaıdy.
Mamandar óńirdegi qaýipti ári iri janartaýdyń aldaǵy kúnderi atqylaýy ábden múmkin dep otyr.
Aıta ketken jón, Vanýatý Respýblıkasy Tynyq muhıtynyń «otty sheńberinde» ornalasqan. Bul óńirde belsendi janartaýlar kóp. Búkil álem boıynsha tirkeletin jer silkinisiniń 90%-y osy «otty sheńberdiń» úlesine tıesili.
