«Playboy» erler jýrnalyn ashqan Hú Hefner dúnıeden ótti,- dep habarlaıdy Qamshy.kz aqparat agenttigi. 1960 jyldary seksýaldyq revolúsıa ornatqan jýrnaldy Hú Hefner 1953 jyly $600 qarjyny óz qaltasynan shyǵaryp ashqan bolatyn. Nátıjesinde, jýrnal mýltımıllıon-dollar qarjy ákeletin tabys kózine aınalyp, tele baǵdarlamalary men jaz festıváldary jáne «Playboy» túngi klýby birge qosylyp jumys jasaıtyn orasan kásipke aınaldy.  

Aty ańyzǵa aınalǵan Hú qanshama jas, tipten ózinen eki-úsh ese jasy kishi bıkeshtermen kóńil qosyp, ony tele shoýǵa aınaldyrdy.

Ol ózi týraly aıtqanda: «Meni álemdi jaqsy jaǵynan: áleýmettik, seksýaldyq kózqaras jóninen ózgeris alyp kelgen tulǵa retinde este saqtasa razy bolýshy edim»,- degen. Oǵan qosa, ol ózin kóp armandaǵan balaǵa jáne sol armandy júzege asyrǵan janǵa teńeıdi.  

Hefner 1926 jyly sáýirdiń 9-da Chıkagoda esepshi Glen men muǵalim Greıs Hefnerlerdiń otbasynda dúnıege kelgen. Ata-anasynyń ekeýi de konservatıvti Nebraskalyq protestanttar bolǵan.

2011 jyly «The Hollywood Reporter»-ge bergen suhbatynda Hú «Meniń áke-sheshem óte tárbıeli jáne jaqsy adamdar, biraq bizdiń úıimizde balany qushaqtap aımalaý men súıý degen bolmaıtyn»,- dedi.

1944 jyly joǵarǵy oqý ornyn támámdaǵan Hú, AQSH áskeriniń gazetine jýrnalıs bolyp jumysqa ornalasady. 2-shi dúnıejúzilik soǵys aıaqtalysymen ol «Esquire» jýrnalynyń mátin terýshisi bolyp isteıdi jáne sonda júrip erler jýrnalyn ashýǵa maqsat qoıady.

Investorlardyń kómegimen jınalǵan $10,000-ǵa ol 1953 jyly jeltoqsan aıynda «Playboy»-dyń eń alǵashqy nómirin jaryqqa shyǵardy. Sodan bastap, jýrnal álemdegi eń áıgili erler jýrnaly bolyp sátti jalǵasyn tapty.