Muǵalimder kúni qarsańynda Almaty ákimi Baýyrjan Baıbek qalanyń úzdik ustazdarmen kezdesti, dep habarlaıdy Qamshy.kz aqparat agenttigi qala ákimdiginiń baspasóz qyzmetine silteme jasap.
Saltanatty sharaǵa 40-tan astam bilim berý salasynyń ókilderi qatysty: mektep muǵalimderi, lıseıler men gımnazıalar, UBT-dan joǵary bal alǵan stýdentter, respýblıkalyq jáne halyqaralyq olımpıadalardyń jenimpazdary jáne t.b.
Búgingi tańda qalanyń bilim berý jelisine 998 bilim berý uıymdary kiredi, sonyń ishinde 443 memlekettik jáne 555 jeke menshik, 370 myńnan astam balaǵa 28 myń pedagog qyzmetkerler oqıtyp eńbek etýde.
Almaty ákimi qala ustazdarymen kezdesýde, jańǵyrtý aıasynda Memleket basshysy bilim salasyn eń mańyzdy basymdyqtardyń biri retinde anyqtaıdy jáne «ekonomıkalyq ósýdiń jańa úlgisinde ortalyqtandyrylǵan bilim berýdi qalyptastyrý» mindetin belgileıdi – dep, atap ótti.
«Táýelsizdiktiń birinshi kúninen bastap bilim berýdi damytý - memlekettik saıasattyń ózgerissiz basymdyǵy bolyp tabylady. Qazaqstan Prezıdenti N.A. Nazarbaev bastamasy boıynsha ótkiziletin reformalardy júzege asyrýda Qazaqstandyq muǵalimderdiń qosqan úlesi ushan teńiz. Bıylǵy jyly Qazaqstan jańa tarıhı kezeńge ótti. Elbasy óziniń «Rýhanı jańǵyrý» baǵdarlamalyq maqalasynda atap ótkendeı, erteńgi kúnniń ereksheligine ult jetistiginiń basty faktory - tek adamnyń básekege qabilettiligi. Ustazdar qaýymy, sizderge, bizdiń balalarymyz ben jastarymyz úshin alda osy qasıetter jıyntyǵyn darytý tur. Ózekti mindetterdi eskere otyryp, bıylǵy jyly biz qala mektepterin qazirgi zamanǵy fızıka, hımıa, bıologıa, lıngafondy-mýltımedıalyq kabınetterimen, ınteraktıvti taqtalarmen 100% jabdyqtadyq. Sońǵy 5 jylda 15 myń oryndy 13 mektep ashyldy. Biz Almatydaǵy eń daryndy muǵalimderdiń jumys isteıtindigimen maqtan tutamyz. respýblıkalyq olımpıadalarda jáne ǵylymı jarystarda birneshe ret birinshi orynǵa ıe. Sizderdiń oqýshylaryńyz birneshe ret halyqaralyq, respýblıkalyq olımpıadalar men ǵylymı konkýrstarda birinshi oryndarǵa ıe bolyp keledi. Joǵary nátıjelerin UBT–da kórsetedi. Búgingi kúni qalanyń bilim berý júıesin damytýǵa laıyqty úles qosyp kele jatqandaryńyzǵa, sizderdiń qıyn, óte jaýapty jumystaryńyz úshin alǵys aıtqym keledi», - dedi Baýyrjan Baıbek.
Aıta ketý kerek, Almaty túlekteri osymen altynshy jyl qatarynan UBT nátıjesi boıynsha ortasha baly úzdik 97,5 kórsetip otyr. Sońǵy 12 jyl boıy respýblıkalyq olımpıadada birinshi komandalyq oryndy ıelendi. Respýblıkalyq ǵylymı jobalar konkýrstarynda 15-shi ret jeńiske jetti. Prezıdenttik olımpıadadan 11 synyp oqýshylary arasynda tórtinshi jyl qatarynan jeńip keledi.
Sonymen birge, sońǵy bes jyl ishinde qalada 15 myń oryndyq 280-nen astam balabaqsha jáne shamamen 15 myń orynǵa arnalǵan 13 mektep ashyldy. Tek ótken jyly jergilikti búdjet qarajaty esebinen 500 oryndyq 4 balabaqsha paıdalanýǵa berildi.
"Shańyraq" jáne "Qalqaman" sh. a. mektepterge japsarlas 1800 oryndyq qurylys salynyp, paıdalanýǵa berildi. Bıylǵy jyly 6 balabaqsha qurylysy bastaldy. shaǵyn "Ójet" aýdanyndaǵy №156 mektepte 600 oqýshyǵa arnalǵan japsarlas qurylys júrgizilýde. Alataý jáne Naýryzbaı aýdandarynda 2600 oryndyq mektepter qurylysyna qosymsha qarjy bólindi.
Ótken jyly "memlekettik-jeke seriktestik aıasynda jeke qarajattar esebinen 175 balabaqsha jáne 5,7 myń oryndyq shaǵyn ortalyqtar ashyldy. Bıylǵy jyly 2000 oryndyq 57 jeke balabaqshalar paıdalanýǵa berildi. Bıznes tarapynan qoldaý shamamen 14 mlrd. teńge búdjettik qarajatty únemdeýge múmkindik berdi. Qala Qurylysy keńesinde qalada turǵyn úı keshenderiniń qurylysyn qaraý kezinde mektepter men balabaqshalarǵa erekshe nazar aýdarylady. Sońǵy 2 jyldyń ınvestorlar esebinen 7 myń oryndyq 54 balabaqsha salýǵa sheshim qabyldandy. 3 myń oryndyq 24 balabaqsha komýnaldyq menshikke beriledi. Osynyń arqasynda búdjettik únemdeý shamamen 24 mlrd. teńge boldy. Memleket basshysynyń tapsyrmasy boıynsha osy jyldan bastap " tegin kásibı-tehnıkalyq bilim jobasy" júzege asyrylýda. Qalalyq búdjetten 1,5 mlrd. teńge bólindi. Bul eńbek naryǵynda suranysqa ıe jumysshy mamandyqtardy 11 myń adamǵa tegin úıretýge múmkindik beredi. Qysqa merzimdi kásibı oqytý kýrstar oryndarynyń sany 14 ret kóbeıtildi, bul shamamen 7 myń adamdy quraıdy. Elbasynyń tapsyrmasy boıynsha 2017 jyly Almatyda "jastar jyly" jarıalanǵan, tıisti Jol kartasy ázirlendi. 2 myń oryndyq 4 jataqhana qurylysy josparlandy,. Turǵyn úı qurylys jınaq bankimen birlesip biregeı baǵdarlama ázirlengen, ol jastarǵa jańa páter alý úshin nesıe múmkindik beredi.
