Túrkıada demalýǵa baryp jol apatyna ushyraǵan 4 qazaqstandyq azamat elge oraldy dep habarlaıdy Qamshy.kz aqparat agenttigi Tengrinews.kz-ke silteme jasap. Olar Antaládan Ystanbul arqyly Turkish Airlines áýe kompanıasy ushaǵymen keldi. Jolda olarǵa dárigerler kómek kórsetti.

5.25-te 4 qazaqstandyq áýejaıǵa qondy. Sol jerden birneshe jedel járdem kóligi olardy oblystyq klınıkalyq aýrýhanaǵa alyp ketti. Tórteýi de ornynan tura almaıdy.

Apatqa ushyraǵandardyń biri Asyl Saǵyndyqovanyń anasynyń aıtýynsha, jol boıy Qazaqstanǵa jetkenshe jastarǵa aýrýdy basatyn dári salyp keldi.

«Biz anamyz. Bizdiń júregimiz aýyrady. Bul sumdyq jaǵdaı. Tipti aıtarǵa sózim joq. Saý balalardy jiberip edik...Bylaı bolǵanyna olar kináli emes. Mundaı jaǵdaı basqa bireýdiń basynan ótpesin. Balalardyń deni saý bolsyn. Eshkimniń mundaı sumdyqty bastan ótkergenin qalamaımyn. Túrkıaǵa barmas buryn saqtandyrý týraly oılmappyz» dedi Sáýle Saǵyndyqova.

Ol jaraqat alǵan eki adamǵa qaıta qalpyna kelý úshin az degende eki jyl ýaqyt kerek ekenin de aıtyp ótti.